Page 50 - MIN JUS 31 MARCH 2017

DIMAS ta sigui haci control di documento

Thursday, 30 March 2017 17:28

Comparti

Entrante dia 1 di december 2016, DIMAS a introduci su listanan nobo di rekisito general y tambe
specifico. Den pasado a anuncia cu lo tin un periodo di transicion di cuatro (4) luna den caul ainda por a
haci uzo di e listanan di requisito bieu. Esaki ta significa cu te dia 1 di april 2017 por sigui entrega un
aplicacion na DIMAS uzando e lista di rekisito bieu.

Despues di 1 di april 2017, por entrega aplicacion pa un permiso di estadia solamente uzando e lista di
rekisito general y specifico nobo.(versión 2016) Alavez ora cu un cliente kier bin entrega un peticion pa
un permiso di estadia na DIMAS e cliente mester tene na cuenta lo siguiente: 1) Cu ta haci un declaracion
por escrito cu e ta yena e formulario di aplicacion pa un permiso di estadia segun berdad. 2) Cu e tin e
deber pa acumula y trece cune tur documento segun lista di rekisito general y specifico. E documentonan
aki mester ta completo, pero tambe mester ta corecto, locual ta encera entre otro cu esakinan mester ta
autentico (of por ser autentica), nan mester tin e validez rekeri y mester tin – si ta trata di un acta oficial
– un apostilla of cu mester legalis’e. Desaroyo preocupante Den e procesamento di peticionnan pa
permiso di trabou y peticionnan pa personal domestico ta tuma nota di algun desaroyo preocupante. - Ta
ripara cu tin clientenan cu ta entrega den e proceso di aplicacion pa un permiso di estadia documentonan
cu ta parce di ta falso of cu ta parce di ta falsifica y cu DIMAS no por a autentica. DIMAS ta sigui haci
controlnan administrativo pa check via di su fuentenan oficial di gobierno, si e comprobantenan entrega,
por ehempel comprobatenan di salario y otro declaracion di entrada, ta (of no) na ordo. Un declaracion
di entrada original emiti pa Departamento di Impuesto (no mas bieu cu 6 luna) tin nos preferencia. - Pa
locual ta trata clientenan procedente di Venezuela, DIMAS no ta logra den tur caso pa confirma cu e
documento di bon conducta conoci como “Certificación de Antecedentes Penales” ta na ordo.

E ta importante pa nos clientenan mes por subi e website: https://validarlegalizaciones.mppre.gob.ve/ y
por wak pa nan si e documento cu nan kier bay entrega na DIMAS ta (of no) uno corecto, valido y
original. DIMAS tambe ta controla semper e codigo cu ta indica riba e documento. DIMAS ta check si e
nomber di e peticionario ta di acuerdo cu e documento y tambe cu su apostille. Ta check pa cual pais e
documento ta destina. Tambe ta check cu su apostille tin un validez di por lo menos seis (6) luna.
Ministerio di Desaroyo Teritorial, Infrastructura y Integracion Sin un documento di bon conducta no ta
na ordo, DIMAS no lo procede pa duna e permiso. Esaki ta conta pa tur nacionalidad. Ta recomendable
pa clientenan procedente di otro paisnan tambe controla nan documentonan riba e websitenan
corespondiente (si esaki ta e caso). Alavez kier recorda tur cliente cu na momento di entrega di un
peticion e garante ( esun cu ta para responsable) mester firma cerca e funcionario publico ora di somete
un peticion pa un particular. Peticionnan pa declaracion segun articulo 1 of 3 di e ley di Ordenanza di
Admision y Expulsion (LTUV) ta gratis na DIMAS. Pa mas informacion bo ta bon bini na DIMAS su
recepcion na Paardenbaai 11 na Oranjestad of por subi nos website: www.dimasaruba.a