Page 75 - MIN JUS 31 MARCH 2017

Paul Croes: E investigacion aki ta pone un mancha riba
henter e Ministerio

Thursday, 30 March 2017 15:36
Comparti

"Mi tin pleno confiansa den nos sistema hudicial. E ta un di esunnan mas fuerte den e region Caribense y
mi ta kere firmemente cu dunando nan espacio, ta importante pa asina Ministerio Publico por haci su
tarea debidamente", asina Minister Drs. Paul Croes a duna di conoce awe den un declaracion na prensa.
Despues di consulta Conseho di Minister, famia y amigonan, Paul Croes a presenta un proposicion pa bay
riba non-actief y pasa su tareanan na Minister Angel Bermudez. Conseho di Minister a aproba e
proposicion mesora. Hamas y nuca Paul Croes ni su famia lo por a pense un dia cu nan lo haya nan mes
den un situacion asina. E mandatario ta gradici comunidad completo cu ta reaccionando cu hopi
optimismo pa su persona y pa e procesonan cu semper a salvaguardia, proceso di investigacion. Minister
Paul Croes ta lamenta cu e investigacion aki ta pone un mancha riba henter su Ministerio, riba e Minister
mes y riba henter gobernacion di nos pais. Como tal, e opcion awor ta pa distancia nan mes di e
trabounan diario, dor di bay riba non-actief pa asina no stroba cualkier investigacion necesario den e
caso aki.