Page 70 - MIN JUS

Diferente problema ta compaña e adictonan cu tin riba caya y
cual hopi ta causa problema y peliger pa salud di otro

Sunday, 15 January 2017 18:53
Comparti

Tin algun di e hendenan cu ta adicto riba caya cu por causa daño na salud di otro segun minister Arthur
Dowers. Tin otronan cu tin diferente otro tipo di problema.

Por ehempel e droga a afecta nan mentalmente tambe. E pregunta ta cu lo tackle esaki tambe, pasobra
esakinan mester di un tratamento apart, mester wordo hinca hunto cu kisas cu otro hunto of apart.
Segun e minister ta pone e gruponan hunto. Tin diferente medico, psikiatra, cu ta sinta na mesa cu
Gobierno y ta evalua cada caso. E criteria cu ta uza logicamente cu si un hende ta forma un peliger pa
otro, of pa su mes, pasobra cu si uza e criteria di peliger pa otro so, e ta hopi limita pasobra tin hende cu
no ta forma un peliger pa otro hende, pero e hecho cu nan ta keda riba caya of ta laga riba caya, nan ta
abusa di nan, nan ta maltrata nan y tin hasta tin momento cu tin hende cu ta kita nan bida. Esey ta un
cos cu no ta aceptabel den un estado di derecho. Un hende malo tin derecho di wordo protehi y ley ta
duna e persona su criteria tambe, sea ta peliger pa otro of pa su mes, mas tanto pa por actua contra di
cierto hendenan cu ta riba caya continuamente. E ta duna resultado y treciendo tur gremio hunto y si
logra di keda hunto y ta sigur cu e ta bay logra pasobra ta bay instituciona e forma di traha aki den e
veiligheidshuis, e ora ey ta bay tin tambe Ministerio Publico acerca y ta bay haci mucho mas facil cu por
tuma medida contra esnan cu ta comete crimen tambe. E no mester ta crimennan mas pisa, pero cu
acumulacion e ora ta mira cu ta necesario pa actua pasobra e persona ta keda un molester hopi grandi pa
comunidad. E formula aki lo bay duna un bon resultado.