Page 109 - VOS FEB 1

Brazil Taekwondo Stichting ta rifa un television pa recauda
fondo

Monday, 30 January 2017 17:45
Comparti

Diahuebs anochi a tuma lugar un reunion di Brazil Taekwondo Stichting na Centro di Bario Brazil. E
miembronan presente a reuni pa kibra cabes hunto pa bin cu ideanan nobo pa recauda fondo. E
miembronan a trece nan opinion y ideanan pa dilanti pa asina mira kiko lo ta mas rendabel etc, pasobra
e BBQ en berdad ta dushi pero e ta rekeri masha hopi tempo y plaka.

Aaron Jacobs a calcula kiko tur lo rendi mas y a bin cu e idea pa rifa un television di 32” pa dia 5 di maart
pa asina por recauda fondo pa e biahenan di 2017 y uniform nobo pa Brazil Taekwondo Stichting. Awor
si e benta di e Calender 2017 ta tras di lomba y por cuminsa cu otro forma pa recauda fondo. Master Eric
Barry a wordo acerca pa Brazil Taekwondo Stichting pa asina e dos scolnan por enfrenta otro na luna di
Februari. E encuentro entre e dos scolnan ta yama ”Who’s the Best”. Un paar di aña pasa Alberto Klabér
a acerca Master Eric Barry caba y e dos scolnan a bringa contra di otro na unda cu San Nicolas a gana e
tempo ey. Awor aki ambos scol di Taekwondo ta conta cu masha hopi mucha rookie cu lo bay bringa
contra di otro pa mira kende lo gana e Copa di "Who’s the Best" A presenta e punto pa un directiva nobo,
pero esaki ta na hold ainda pa haña confirmacion di dos miembro pa asina por sigui cu e proceso.