Page 125 - VOS FEB 1

Sinembargo e otro saconan special di sushi ta saconan un poco mas pisa y cu no ta
bula facil pa bay den nos naturalesa y cu por daña esaki grandemente. Tampoco e
saco di plastic di pan no ta un saco prohibi debi cu ainda no a haya un alternativa pa
esaki. Na momento cu a studia e ley aki mester a tuma un desicion for di unda lo
cuminsa prohibi e saconan aki. Na momento cu parlamento a haya sa cuanto di e
saconan aki ta keda traha y importa na Aruba a keda un bashi di 40% cu no por a haya
sa di unda nan ta bin. Pa e motibo aki a dicidi di haci e prohibicion na e punto di benta .

Segun Parlamentario Donny Rasmijn actualmente lo cuminsa pronto cu prohibicion di
foam box tambe. E prohibicion aki no ta solamente debi cu e ta daña nos medio
ambiente , pero primordialmente pa e salud di nos hendenan. Loke cu kisas hopi di nos
no sa cu na momento cu uza saus cayente ora cu e cuminda ta den e box tin kimiconan
toxico ta sali y drenta den e cuminda , esakinan ta kimiconan toxico cu ta duna cancer.
E ley lo mester keda cla e aña aki unda cu lo prohibi tur foam box for di entrada.