Page 61 - VOS FEB 1

Sharline Koolman: DBZ ta eherce e parti di controla salud di
e animeerdamesnan

Tuesday, 31 January 2017 17:38
Comparti

Sharline Koolman ta hefe na e departamento di malesanan contagioso di Salubridad Publico y nos a
acerk’e mirando cu a tuma nota di basta prostitucion den Playa. E departamento aki tin un maneho di
control riba esnan cu ta eherce e funcion aki. Koolman a splica cu e parti di animeerdames, ta regla den e
landsverordening Dienst Besmettelijke Ziekten.

Eyden ta menciona cu ora cu un persona ta haci un peticion pa bin traha na Aruba como animeerdame, e
ta solicita esaki via Dimas y e proceso di parti di Salubridad Publico, ta e parti caminda cu ta check e
salud, si e persona ta cumpli cu e reglanan pa su salud, pa e por eherce e trabao aki na Aruba. E parti di
control di ilegalidad ta cay bao di polis y Dimas ta duna conseho riba esaki tambe, kendenan tin permiso
pa traha, etc. E base cu ta duna e departamento pa nan tin autoridad pa traha riba dje, ta a base di
Landsverordening Besmettelijke Ziekten, cual ta e parti di salud. Tin tambe e parti di esnan cu ta drenta,
cu ta haya aprobacion pa eherce e trabao aki, specificamente e barnan, den e caso aki, na San Nicolas.
Tin bar cu tin e permiso necesario pa nan tin damanan pa haci e trabao aki. Esey ta wordo reglamenta pa
Directie Economische Zaken, cual tambe tin di haber cu esey, hunto cu Dimas y nan ta duna e barnan
specifico aki e permisonan necesario pa nan por tin e mucha muhenan aki. Koolman a menciona San
Nicolas, pasobra te awor aki, ta caminda cu e barnan cu tin e permisonan aki ta. Polis tambe ta na altura
di e barnan aki y nan tambe ta eherce hunto cu DBZ, e control. Nan tin e control mas bien riba e parti di
ilegalidad y un biaha mas, DBZ tin e parti di controla salud. Awo si ta menciona e parti cu no ta cay den e
grupo aki, es decir bar of restaurantnan cu no ta cay den e esnan cu tin permiso, esey ta cay e ora bao di
atencion di Dimas, di Departamento di Labor y polis pa por eherce e controlnan ey.

DBZ por, como salud publico, asisti sigur si cu dunamento di conseho riba e parti di salud, pero atrobe
esey ta keda un conseho pasobra nan no por treed op mas cu esey. E conseho cu ta referi na dje, no ta
solamente pa e departamentonan concerni, pero tambe na esnan cu ta haci uzo di e servicio cu e
damanan aki ta duna, pero tambe tin hende homber, cu ta brinda e servicio aki. E ta keda na cada
persona cu ta haci uzo di e servicio. Ta papia un biaha mas di e parti ilegal, pero por ta esunnan cu tin
permiso pa haci esaki, cu semper mester tene cuenta cu DBZ ta haci e control medico, pero por controla
un hende awe y un paar di dia despues ta tene relacion sexual sin proteccion, e ta haya un malesa
transmiti sexualmente y e por pasa esaki na un otro persona. No ta asina cu ora cu un damita ta controla,
esey kiermen cu no ta core riesgo. Tampoco ta bisa cu e mucha muhenan aki tin algo. E ta keda na cada
persona, ora cu ta bay presta servicio cerca nan, cu bo ta cuida bo mes. Sa haya hendenan cu ta bay DBZ
ta bisa cu nan a bay cerca un dama of un hende homber y cu nan ta sospecha of nan ta duda y segun nan,
nan a pega nan cu algo. Tin cu corda cu ta un acto di dos persona y cu si un tin algo, e tin chens pa pega
otro si no haci uzo di proteccion. No ta bin un departamento di Gobierno y e departamento tin cu bay
haci control riba un persona, pasobra abo na cierto momento no a proteha bo mes sin sa ken e otro
persona ta. Si bo ta haci uzo di e servicionan aki, uza proteccion.