Page 38 - Djarason 28 november 2018.pdf
P. 38
40 Djarason 28 Novèmber 2018
VBC i CHATA ta presentá “turismo di
Kòrsou awe i e kaminda pa dilanti”
WILLEMSTAD.-
VBC huntu ku CHATA
ta organisá dia 12 di
desèmber próksimo un
almuerso di fin di aña.
E aktividat aki ta tuma
lugá pa di 45 biaha i ta
tuma lugá den Atrium di
Renaissance Resort.
E diskurso ta na enkargo
di sr. Paul Pennicook, e
CEO nobo di e direktiva
di turismo di Kòrsou. E
título lo ta “turismo di
Kòrsou awe i e kaminda pa
dilanti”.
Turismo a bira e
sektor di mas grandi pa
kresementu ekonómiko
di e isla apesar di e
situashonnan ekonómiko
difísil ku ta pasando.
E esfuersonan
inkansabel di e sektor bou
di liderazgo di CHATA,
CTB i CPA a kontribuí
grandemente na e
kresementu eksitoso aki.
VBC ta konsiderá ku un
kresementu mas grandi
ta posibel si intensifiká i
kontinuá ku e esfuersonan
konhunto, e dedikashon i e
kooperashon.
Apoyo na e proseso
di kresementu aki ta
responsabilidat di e CEO
nobo di CTB sr. Pennicook.
I p’esei tantu VBC komo
CHATA ta kontentu ku Paul
Pennicook ta dispuesto na
duna e presentashon kon e
ta bai duna kontribushon
konkreto na e kresementu
struktural di turismo den
futuro serkano.
E almuerso ta dia
12 di desèmber 12 or di
mèrdia. Por kumpra karchi
pa e evento aki serka
miembronan di VBC i na
ofisina di VBC òf yama
461-1210, 461-5422.
