Page 65 - MIN ON_Neat

Riba Dia Internacional di Museo Fundacion Museo Historico
a trece museo na scolnan basico

Thursday, 18 May 2017 21:41
Comparti

Diahuebs ta ta dia internacional di museo, cu ta wordo celebra mundialmente. Tambe sosteni
door AIKEM, cu ta e organisacion grandi cu ta regula y ta sostene museonan mundial.

Tur aña tin un diferente tema. Segun Joseanne van der Biest, manager di Museo Historico
Arubano, e aña aki a concentra riba e importancia di un museo den comunidad, y mas ainda,
den nan mensahe a papia hopi di con un museo ta fomenta paz den comunidad. Na Aruba
tampoco no ta falta. Fundacion di Museo Arubano, cu e museonan di Museo Historico, Museo
Industrial y Museo Comunitario, ta celebr’e pa dos aña consecutivo caba, caminda cu ta hiba e
palabra di e importancia di un museo na Aruba.
E ta hopi importante pa comunidad ta un tiki mas conciente di nan funcion como organisacion.
Mas ainda e elemento cu nan ta un fundacion sin fin di lucro. Pa e motibo aki e museonan
semper ta pidi contribucion na entrada pa por sigui mantene e herencia y e monumentonan
den e miho estado posibel. Pero ta hopi importante tambe pa comunidad ta un tiki al tanto, cu
como museo, e trabao ta uno hopi grandi. Tin e tarea pa salvaguardia herencia cultural.

Ta defendiendo nos cultura tambe, mas ainda, mirando e muraya di Fort Zoutman cu a
defende Aruba e temponan ey. Ainda ta carga e meta di defende nos herencia cultural. Ta
importante tambe pa hiba e mensahe, cu no ta pasobra e artefacto ta bieu of cu e ta algo di
antes, no ta interesante.

Contrario, ta hopi importante pa nos wordo inspira di nos pasado, pa nos hiba nos den presente y den futuro. Mas
ainda nos generacion nobo cu ta muchanan hoben, muchanan di basis cu ta para na e monumentonan, nan no sa
kico ta un monumento ainda. Den cuadro di esey, awe, riba dia internacional di Museo, Museo Historico, Museo
Industrial y Museo Comunitario a bishita 4 scol. Total ongeveer 12 diferente klas, a hiba museo cerca nan. Ya cu
nan no por a yega, e ora nan ta hiba e museo cerca e muchanan aki y educa nan riba e funcion di un museo, e
importancia di un museo den comunidad, pa nos cultura y folklore como tambe educa nan riba e artefactonan
bieu, laga nan mes tambe puntra nan famia riba historia oral pa por comparti y na mes momento educa nan con
mester comporta bo mes den un museo y cu artefactonan bieu. Con bo ta cuida esakinan.
Pa asina aki tambe fomenta e idea y lanta e interes pa di chikito caba cuida loke ta di nos. Ta
importante pa sa di unda bo ta bin. Ta hopi importante pa bo aprecia kico nos grandinan a haci
pabo e tempo ey, con duro nan a traha, cu menos recurso, cu ningun recurso whatsoever pa