Page 96 - VOS

conoci Sra. Nathali Lin a ser nenga pa AZV pa haya tratamento di Stem Cell debi cu
esaki ta den experimento. Pero loke Sra. Nathali Lin a tende for di algun pashent cu si a
haya e tratamento aki ta full otro. For di e storianan cu e la tende di pashentnan aki na
Aruba, cu ta bai un dokter di joins si ta haya stem cell den rudia den laboratorio aki na
Aruba. Pa sra. Lin e tin un problema cu esaki, pasobra e ta bisa cu AZV ta nenge
tratamento di Stem Cell pasobra ta den experimento, pero pa rudia y joins AZV ta paga.
Awor Sra. Nathali su pregunta ta, dicon AZV no ta paga pa un tratamento
experimental? For di vocero di AZV, por a tende cu ta cubri pa stem cell serca
personanan cu leukemia na Hulanda.

Si AZV ta cubrie pa e dosnan aki anto Sra. Lin ta haya cu e tin derecho pa haya e
tratamento pa su pulmon pa su COPD. Tin mas pashent cu a bin serca Sra. Lin na su
cas cu a ser diagnostica cu e mesun malesa y dokternan a duna nan e mashin di
oxigeno cu e remedinan anto dokter ta bisa nan, si sinti mas malo bai poli anto laga nan
jama mi. Esey ta e dokter cu ta tratanan. Sra. Nathali Lin ta cuestiona ki tratamento
esaki ta pa un pashent? Pasobra ningun hende sa ora cu ta sinti anshamento, bo ta
orina bo mes y esey kier meen cu ja e malesa aki ta jega na un punto cu por muri di dje.
Pa un miho calidad di bida, tin cierto recurso manera stem cell. Hendenan no ta kere
den dje, e specialistanan di pulmon aki na Aruba, no kier tende di esaki.

E si tin prueba cu despues di su prome tratamento di stem cell e ta sinti hopi miho
compara prome cu e la biaha na februari. E cambionan ta drastico. Un instituto di long
no ta bai tuma bo como charts nan no ta tuma un persona como pashent si nan no ta
sigur cu e tratamento di stem cell ta funciona. E instituto di long na Tampa Merca, tin su
porcentahe di dies aña cu nan ta trahando cu pashent pa nan mehoransa di COPD.
Despues di e tratamento pashentnan cu COPD cu ta usa oxigeno 24 ora pa dia
despues di dos tratamento no ta usa e aparato den dia y por a sigui traha y tin un bida
normal. E malesa no ta cura pero si e por bira miho. Cu otro palabra e calidad di bida ta
bira miho. Pa hendenan cu ta huma, mester stop di huma, e sigaria so no ta factor di e
malesa aki pero tin otro factor pa motibo di medio ambiente, auto immuunziektes y tin
seis diferente malesa di pulmon cu ta asma, bronchitis cronico, fecsma, COPD
esakinan ta malesanan cu tin di haci cu pulmon.

Aki tres pa cuater luna Sra. Nathalin Lin ta haya sa pa e bai pa su di dos tratamento cu
ta enserra beenmerg y e tratamento di sanger veneus. Esaki ta loke e la haci caba den
e prome tratamento. Awor tin e choice di haya tur dos hunto y e tratamento aki ta duna
e curpa un boost pa mira si por stop di usa e mashin di oxigeno pa 24 ora. Un pashent
cu haci e tratamento aki no ta haya un garantia di biba di 1 of 2 aña pero cu e malesa
aki por biba aña pa aña. Segun Sra. Lin cu e tratamento aki nos ta mira pa biba 1 aña
mas. E tratamento di stem cell ta haci e cell nan nobo y esey kiermeen no ta tur aña
mester bai tuma stem cell.

Ta tuma e tratamento aki tres den e prome biaha, cu ta parti den dos aña y despues di
esey e celnan mes ta genera y bira nobo. Sra. Lin ta sigui bisa cu e tin un otro carta cu
e ta manda pa AZV, unda e ta bai wak si AZV lo bolbe nenge su tratamento. Sra. Lin ta