Page 46 - WEB
P. 46
Den un relato na prensa cu a sali for di Ministerio di Infrastructura, a bisa cu Marlon
Croes, Director di DOW a corigi relato di EcoGas. Sinembargo, ta un relato
di 24ora.com y no di ningun compania. Ta mas cu obvio cu Croes no tabata envolvi mes
den e relato, pero si a confirma tur locual nos a publica, esta cu DOW tabata na altura cu
e compania cu a haya e trabou pa basha Bushiri Hotel abou, a tira sushi di construccion
den e famoso “buraco” na Moko. Esey el a admiti, of Minister a admiti pa den su
nomber!
Den e relato cu Minister a manda na nomber di Croes a duna henter un splicacion riba
con ta atende cu asbest y e controlnan mara na e practica aki. Sinembargo, e punto cu nos
kier a ilustra ta, cu mientras Minister Oduber ta persiguiendo tur esunnan cu ta maneha
un buraco asina pa coba santo, graniet y piedra, cu despues ta yen’e cu grofvuil, cu e mes
ta uza e buraconan aki pa proyectonan di Gobierno. Y den esey 24ora.com a haya rason!
Marlon Croes lo a bisa cu ora nan a haya sa cu e contratista tabata bente sushi den e
buraco na Moko, cu nan a hala nan atencion. Tambe el a admiti cu Gobierno mes, entre
otro DOW, ta uza Gavilan pa haci e mesun practica aki cu ta prohibiendo otronan.
E moral di e storia ta: Yena buraconan cu grofvuil ta permiti, depende ken Bo ta.
https://24ora.com/marlon-croes-dow-a-admiti-cu-a-uza-moko-pa-tira-sushi/
