Page 17 - AWEMAINTA
P. 17
Diaranson, 8 Augustus 2018 AWEMainta 17
Grant Thornton a habri su portanan oficialmente na Aruba
GRANT Thornton ta un realidad den e region Cari-
bense Hulandes. Cu e oficinanan na Aruba, Curacao,
Bonaire y St Maarten, Grant Thornton ta oficialisa y
expande su red global den nos region.
Diarazon 1 di augustus e oficinanan a habri nan portan-
an oficialmente y e Regional Leader di Grant Thornton,
Roy Buddle a keda sumamente satisfecho despues di a
sinti e entusiasmo tanto na Aruba como na Curacao.
“Tradicionalmente nos tin un presencia fuerte den Ca-
ribe unda cu actualmente nos tin 13 oficina den e re-
gion. Pero nunca nos tabatin un representante directo
den e region Caribense Hulandes. Strategicamente esa-
ki ta importante dor cu semper Grant Thornton tabatin
un relacion estecho cu Hulanda y Merca. Cu 13 oficina
den e region di Caribe awor, esaki ta fortalece Grant
Thornton su potencial y capacidadnan.”
Durante e lansamento oficial Edsel Lopez, kende ta un
di e partnernan di Grant Thornton na Aruba, a trece
dilanti di ta hopi entusiasma cu e cambio aki y ta spera
cu e team lo sigui traha cu e mesun empeño cu semper
nan a desplega.
Tambe partner di Aruba, Hans Ruiter a gradici tur tra-
hador pa nan esfuerzo e ultimo lunanan cu a pone cu
awe e transision a bay exitoso.
Partner di Curacao, Steve Vanenburg a enfoca riba e
union cu e trahadornan a demostra durante e cambio y
a enfatisa cu e laso estrecho entre e partnernan tambe a
hunga un papel importante pa tur cos a cana bon.
Presente e atardi aki tabata e.o. Ernst Mohammed di Ca-
mara di Comercio di Aruba y Tisa LaSorte di AHATA,
kendenan a expresa di ta admira e curashi cu tur hende
a demostra dor di re-inventa nan mes den un compania
diferente. Cu profesionalismo y etica a logra di haci un
transision smooth y jega na un resultado positivo.
Grant Thornton ta consisti di 5 partner y un staff di
160 hende reparti den 4 oficina na Aruba, Bonaire,
Curacao y Sint Maarten. Di e forma aki e compania
cu tabata anteriormente PwC Dutch Caribbean lo bira
e compania di mas grandi den e region di Caribe pa
Grant Thornton.
