Page 62 - MIN ECEM

Minister Benny Sevinger: Trabaonan ta andando pa loke ta
kiosconan riba waf

Monday, 13 February 2017 19:49
Comparti

Por a mira cu e trabaonan ta andando pa loke ta e kiosconan riba waf. E ta basta leu. Minister Benny
Sevinger a splica cu e desaroyo a bin for di tempo di Gobierno anterior cu tabata tin diferente kiosco riba
waf chikito.
Por a corda riba e pelea cu Gobierno anterior a kita e kioskeronan, caminda nan a bay corte y a gana nan
caso. Djey nan a wordo tira patras di Arubus. Despues di Arubus, cu e Gobierno actual a sinta, nan no
tabata sobrevivi, a schuifnan padilanti y for di e tempo ey a sinta cu nan y a planea pa bin cu un plaza
completamente nobo cu kiosconan moderno pa e personanan aki haya un kiosco y un entrada pa nan por
provee pa nan famia. A haci diseñonan den cuadro di henter e desaroyo di binnenstad. A planea cu riba
Welcome Plaza lo traha e kiosconan y awor aki ta den fase final caba den e proximo lunanan, ora cu e
wordo entrega, e personanan cu ta otro banda ta move bay den e kiosconan nobo y e kiosconan di palo lo
wordo distrui y e bista ta wordo kita. Ta trahando riba esaki. Ta conexion di e centro di Crucero cu e caya
principal.
A traha riba Welcome Plaza, Schelpstraat y mainstraat y awo ta bay traha den e fase di Wilhelminastraat
cu falta ainda y tambe e zijassen, cu ta DOW mes ta haci eseynan manera Hendrickstraat, tur e cayanan
cu ta core horizontal, lo tin cu atende nan ainda. Esey ta bezig cun’e. Ta parti di e renobacion di centro di
ciudad y poco poco ta wak cu e peuzelnan ta cuminsa cay den otro.
Den futuro nan lo tin cu paga algo, esey ta e kiosconan. Ningun kiosco di gobierno no ta por nada, pero
riba un prijs rasonabel cu nan por sobrebibi di dje. Gobierno no ta comerciante pa huur riba prijs pa tin
ganashi. Gobierno ta huur prijs pa paga costo. Parti di e costonan aki lo bay pa e bid, pa e Business
Improvement Center, a promocion di e area mes, pa mantencion di e area, siguridad, etc. Tur esakinan, e
parti di e pago cu nan ta bay haci, ta pa nan mes, pa e area ta protegi, pa e area tin siguridad, pa tin
promocion, pa tin limpiesa. Nan lo tin cu contribui cu algo cual ainda no ta stipula, pero esey lo bay ta e
caso.
Den algun luna di tempo e proyecto aki lo ta cla. Fecha exacto no ta conoci, pero den algun luna e mester
ta cla.