Page 36 - ARENDS

Manera 24ora.com a informa algun siman pasa: Marisol
Lopez a uni na POR

Thursday, 23 February 2017 17:25
Comparti

Na luna di januari ultimo nos a informa cu miembro di Parlamento independiente, drs. Marisol Lopez-
Tromp no tabata sigur cu si e lo uni na MEP bek of lo bay cu partido POR. E tempo ey el a sali nenga cu
esaki ta berdad, aunke cu 24ora.com a informa debidamente cu fuentenan yega na e proceso di
negosacion a confirma esaki.

Awe sinembargo, den un conferencia di Prensa hunto cu Otmar Oduber y Andin Bikker, el a confirma cu
e ta uni na POR pa e siguiente eleccion na September. Drs. Marisol Lopez-Tromp a inicia su carera den
MEP, a sigui pa AVP y awo a uni cu Otmar Oduber y Andin Bikker den partido POR, funda pa e dos
politiconan hunto cu e comerciantenan Serge Mansur como Tesorero y Stephen Daal como Secretario di
e organisacion politico. Mester menciona cu Stephen Daal entretanto a anuncia su retiro. Drs. Marisol
Lopez-Tromp, cu algun luna atras a bandona AVP y bay cu su asiento como un Parlamentario
independiente den Parlamento. El a cuminsa su interes politico cu AVP pero ora no a logra yega na
acuerdo riba number, el a bay MEP na aña 1997 y den eleccion el a logra 1538 voto, a crece te na 4709
voto den eleccion di aña 2001, pero despues a cay pa 4392 den eleccion di 2005 ora MEP a perde 1
asiento y despues a bin abou te na 2880 voto den eleccion 2009 ora partido MEP a bay den oposicion dor
di e victoria di AVP. El a participa un solo bez cu partido AVP na aña 2013 den cual eleccion el a bay mas
atras ainda y a logra solamente 1642 voto, un tiki mas di e resultado cu el a obtene tempo el a drenta
politica 20 aña pasa. Cu e cambio aki awor, Drs. Marisol Lopez a cambia di coloe geel pa berde y awor pa
blauw. Mester menciona cu e tabata den negosacion cu PDR y Andin Bikker prome cu e fusion entre
Bikker y Oduber. Den e proceso pa uni y PDR bay den POR, a acorda cu Marisol Lopez lo join tambe,
manera cu Alonso Tromp a indica algun tempo atras na radio. Por spera mas cambio den e simannan nos
dilanti, mas cerca nos yega di eleccion na September, mas desaroyo nobo lo por nota den politica na
Aruba.