Page 32 - AWEMAINTA

32 AWEMainta Diahuebs, 8 December 2016

Riu Palace Aruba a ricibi Sinterklaas pa celebra su

cumpleaños cu e yiunan y nietonan di empleadonan

RIU Palace Aruba a yama bon bini na muchanan, empleadonan y
famianan, kendenan a bini hunto pa observa e tradicion Hulandes
anual, esta e cumpleaños di Sinterklaas, riba dia 3 di december, 2016.
Hopi hende ta mira e cumpleaños di Sinterklaas como un tremendo
motibo pa bini hunto, intercambia di regalo, y pasa bon hunto.

E homber santo di Spaña a yega na Riu Palace Aruba cu su buki,
regalo, y naturalmente, su Zwarte Pietnan. Conoci como un Obispo,
un tradicion cu ta data bek na e di tres siglo AD, y considera como un
santo denter di e misa, Sinterklaas ta trece regalo pa muchanan for di
e di dos siman di e di tres siman di november te cu su cumpleaños.
E aña aki no tabata diferente y Sinterklaas a trece regalo y alegria
na mas di 250 mucha durante e Celebracion di Sinterklaas na Riu
Palace Aruba.

Empleadonan di e hotel, nan yiunan y nietonan a celebra e tradi-
cionnan festivo di fin di aña cu Sinterklaas y su Zwarte Pietnan. E
empleadonan di e hotel y adultonan presente tambe a disfruta di
un fiesta prepara exitosamente pa tanto e Departamento di Food &
Beverage como e Departamento di Human Resources na Riu Palace
Aruba.