Page 20 - MIN JUS

Michael La Haye: Cruz Cora a haya trainingnan di sistema
automatisa for di inspectornan internacional

Thursday, 25 May 2017 21:18
Comparti

E siman aki Cruz Cora tabata tin un training internacional, cual a bay over di innovacion di
sistema automatisa cu ta e Mega5 y Open Data Kit.

Esaki ta un sistema di Cruz Cora Internacional y asina aki masha facil mes departamentonan di
Cruz Cora por yuda un grupo grandi di persona. Internacional pasobra nan ta wordo yuda door
di tur departamento di Cruz Cora den e region aki di Reino Hulandes.

Personalnan di Cruz Cora di Saba, St. Maarten, Statia, Boneiro, Corsou tabata presente hunto
cu esnan di Cruz Cora di Aruba pa haya e training aki pa haya sa mas di e materialnan aki pa
asina haci uzo di nan pe proximo tempo. Durante e training aki tabata presente 3 inspector cu
ta di Panama, Mexico y El Salvador, cu ta yuda nan pa asina nan siña traha cu e sistema aki.

Director di Cruz Cora Aruba, Michael La Haye ta haya cu esaki ta bon cu nan por traha cu
gobierno y p'esey nan a tene un presentacion pa tur departamento di calamidad. Tur
departamento tabata presente pe presentacion pa mira cua ta e materialnan cu Cruz Cora tin y
con nan por haci uzo di dje. La Haye ta corda riba e yobida di dia 20 di november di aña pasa y
e boluntarionan a bishita 150 cas, unda cu nan a traha un inventario pa mira kico tur e
personanan aki tabatin mester. E tabata un accion cu a dura 3 luna desde e comienso te final.
Esey a dura hopi largo y por haci esaki lihe door di e ayudo di automatisacion. E director a tene
trainingnan cu e boluntarionan di Cruz Cora y ta kere cu por haci e asistencia di lunanan pa
simannan door di haci miho uzo di materialnan automatisa.

E sistema ta cu desde principio ta haci un lista di preguntanan y esey por wordo haci prome cu
otro cosnan pasa por ehempel un tsunami. E idea ta implementa esaki riba telefon y cu e
boluntarionan por bay na e area y por anuncia di biaha e dañonan. Pa asina e Cruz Cora na
Dakota rapidamente por tin un bista riba e situacion y asina nan por tuma e miho decision.
Aruba ta un isla chikito y e boluntarionan por traha eficiente y efectivo y por wordo manda na
e area cu e materialnan corecto pa asina duna yudansa. "Na e momentonan aki nos ta traha
simplemente cu telefon y computer personal. Claro cu esey ta costa placa, pero
afortunadamente hopi hende tin e cosnan aki," La Haye a comenta. Asina ey e costonan ta val
mee pa nos. Awo cu gobierno lo traha mas cu Cruz Cora, nan lo percura pa tin mas training. E