Page 64 - MIN JUS

A constata cu tin hopi abuso tumando luga cu e parti di
uitzending

Thursday, 25 May 2017 14:37
Comparti

Bureau di Arbeidsinspectie, e seccion di inspeccion laboral, a haci un sondeo, pasobra tabata tendiendo di kehonan
di compania riba nos mercado laboral, cu nan a bin ripara cu ta hopi abuso ta tumando luga cu e parti di uitzending.
Por ehempel ta duna trahadonan un uitzend overeenkomst, loke no mag.

Segun director di Departamento di Labor, Nick Kock, tin biaha ta pasa cu nan ta bisa por ehempel un DPL y Dimas
cu e compania ta bisa e instancianan aki cu a ofrece nan un arbeidsovereenkomst. Pero si bay wak con e ta funciona
den praktijk, ta uitzending ta uza e trahadonan aki, cu tin biaha tin trabao, of no. Nan ta mandanan aki un rato,
despues un otro caminda, otro rato. Tin hopi cos ainda cu ta pasando cu no ta corecto y pa drecha e situacion aki un
poco, a dicidi como departamento, a papie tambe cu DPL y cu Dimas, cu kier pa e control ta un tiki mas severo y ta
cuminsa cu e control administrativo. Pesey mes a saca e comunicado di prensa cu a keda divulga, unda cu ta anuncia
cu entrante 1 di Juni, tur compania cu ta fungiendo como uitzendbureau, of cu, mirando e tipo di trabaonan cu ta
haci, por manda hendenan di nan traha un otro caminda, por ehempel un compania di construccion, tin su
trahadonan den servicio, pero nan a haya un proyecto na hotel, tin cierto grupo di su hendenan ta bay traha na hotel
pa cierto periodo. E tipo di trabaonan ey ta haya y pa tin un miho control tambe, a dicidi tambe e ora, en cooperacion
cu oficina di minister, cu tur e tipo di companianan aki, cu kier stranhero den nan servicio, mester pasa DPL, pa nan
wak si tur cos ta na ordo. Door di esey a bin cu e medida aki.

Tin cu bisa si cu ta keda naturalmente e hecho cu companianan por bay DPL y entrega tur documento na ordo, pero
cu den practica, cosnan ta bay poco otro. Cosnan no ta bay segun palabracionnan sin ley. Importante ta keda si cu
banda di e control aki administrativo/preventivo cu DPL lo bay haci awor aki, e control door di nos inspeccion
laboral, ta keda, pasobra documentonan por ta OK segun ley, pero por ta den practica, on e ley ta wordo ehecuta, por
ta toch poco diferente. Esey tambe lo bay bin na momento cu e handhavingsbeleid ta full cla, cu ta duna e inspeccion
laboral mas instrumento pa sanciona miho.