Page 47 - MIN JUS

Ministerio di Asuntonan Social, Hubentud y Labor ta
informa riba cambio den maneho pa cu companianan cu ta

pone trahadonan disponibel cerca un tercera persona
entrante 1 juni 2017

Monday, 22 May 2017 15:58
Comparti

Entrante 1 april 2013 a drenta na vigor e Ley riba trahadonan temporal (Landsverordening
terbeschikkingstelling arbeidskrachten) cu ta stipula reglanan pa cu e sector di ‘uitzendbureaus’ como
tambe pa pone trahadonan disponibel pa traha cerca un tercera persona como ‘uitzendkracht’.

Segun art. 2 un ‘uitzendbureau’ no por pone trahadonan disponibel cerca un tercera persona sin un
permiso (‘uitzendvergunning’) otorga dor di Minister di Labor. Desde 1 di april 2014 e peticion pa un
‘uitzendvergunning’ por wordo haci na Departamento di Labor y Investigacion (DAO) y por wordo otorga
dor di DAO den nomber di Minister di Labor. DAO ta informa pa medio di e comunicado aki cu su
departamento di Inspeccion ta haciendo un control extenso den e sector di ‘uitzendbureaus’ pa bin cu un
re- evaluacion di e ley. Pa es motibo aki a haya ta necesario pa haci cierto cambionan den e maneho
existente cu lo conta pa tur empresa cu ta pone trahadonan disponibel cerca un tercera persona pues pa
tur ‘uitzendbureaus’ of companianan cu ta duna cierto servicio (por ehempel limpiesa, construcción).
Entrante 1 juni 2017 tur empresa cu ta pone personanan disponibel cerca un tercera persona (‘ter
beschikking stellen van personeel’) y kier cuminsa e procedura na DIMAS pa un prome peticion,
prolongacion of cambio di dunado di trabou/funcion sin importa cuanto permiso e persona tin
previamente, lo mester pasa prome na DPL. E maneho nobo lo drenta na vigor entrante 1 juni 2017. Lo ta
bai tin un anochi informativo riba e cambionan di e maneho aki. E fecha y orario di e session informativo
aki lo wordo anuncia pronto. Pa preguntanan riba e cambio di maneho aki por tuma contacto cu DPL,
Seroe Blanco # 4 (APFA gebouw) tel: 5215555 of DAO, Paardenbaaistraat # 11, tel: 5237720.