Page 37 - AHATA

ORANJESTAD (AAN) – Minister Xiomara Ruiz-

Maduro, titular di Economia y Finanzas, tabata presente den conferencia di prensa di
gobierno, Dialuna mainta y el a elabora, na prome lugar, tocante e prijs di productonan
petrolero, anunciando cu Refineria di Aruba (RdA) lo absorbe e aumento di prijs di
gasoline, cu tabata fiha pa e luna di April en curso.

Manera ta conoci cada dos siman di luna, riba Diaranzon, tin cambionan den prijs di
gasoline sea ta subi of ta baha. Esaki ta vigente for di hopi aña caba.

E dignatario a bisa cu manera a priminti, gobierno a indica cu e ta trahando riba locual
e ta bira con ta pone e prijs pa e benta pa publico en general.

Gobierno ta usando e asina yama PLATS, cu ta un promedio di cual e prijsnan cu ta
wordo bendi riba e mercado petrolero, pa e productonan akinan, y semper e promedio

aki ta un luna atrasa. Kiermen si e prijs a subi luna pasa e aumento ey Aruba ta haye e
siguiente luna, y mesun cos pa ora tin bahada.

E mandatario a pone como ehemplo aña pasa cu prijs a baha, y tambe na comienzo di
e aña en curso.

Gobierno a keda traha cu RdA y aworaki pa por yega na un forma structural pa cambia
e formato di con gobierno ta calcula e prijsnan petrolero, mester yega na un

entendimento cual aworaki no ta full cla, pero si ta asina aki cu nan por contempla e
calculacion di prijs, cual RdA, como e instancia cu ta cumpra e productonan petrolero
aki, lo tuma como punto di salida nan factura (e prijs cu nan ta paga pa esaki) y hunto

cune e reserva cu nan tin.