Page 27 - FDLP

ta bay participa, pa haci un concientisacion nacional, specialmente pa tur e

motociclistanan na Aruba. Mirando cu diahuebs awo ta Dia di Asuncion y ta un dia liber,

a dicidi pa bay purba di haci e Awareness Ride algo di tur aña.

Danki na e apoyo di prensa y tambe pueblo en general, como tambe e motociclistanan na

Aruba, esaki lo engrandece y lo bira algo anual cu fabor di Dios naturalmente.

VOLUNTEER MOTOR UNIT

Vladimir de Cuba ta na cabes di e Volunteer Motor Unit cu ta haci cu e Ride ta wordo

haci na un manera sigur. De Cuba no ta un persona desconoci den comunidad. E ta

cabesante di St. Aloysius College y awo, como Volunteer Motor Unit y tambe miembro

di Iron Order Motor Club. E ta contento cu esaki ta sosode mirando cu no ta algo cu ta

sosode na Aruba. Ta importante pa concientisa, no solamente e automobilistanan, pero
tambe esnan cu ta core brommer. Sea cu bo ta core scooter, Harley, brommer, Gold

Wing. Ta importante pa ta conciente no solamente di nan mes riba brommer, pero e

trafico rond di nan, pero tambe e peatonnan cu tin riba caminda.

Si core conciente y pone hopi atencion, bo por evita mayoria di accidentenan aki. Tin

biaha accidente por pasa den un seconde, pero tin biaha, poniendo mas atencion y

coriendo conciente, por evita cierto accidentenan of por evita cu e golpinan cu por haya,
ta grandi.

Desbentaha cu e motociclistanan tin, cu nan no tin un body cu por protehe nan. Ora cu

nan haya sla, ta golpi di biaha nan tras. Pesey ta hopi importante pa nan purba haci’e tur

aña, pa concientisa no solamente automobilistanan pero tambe e motociclistanan pa nan

por core tiki mas safe y conciente pa evita accidentenan cu pasa y si bo haya accidente

mes, pa evita haya cierto golpinan.