Page 21 - ARUBA AIRLINES

Gobierno ta menasa cu sancion severo

den caso di contaminacion di jetfuel

Posted on 09/29/2018 2:02 pm AST | Updated on 09/29/2018 2:07 pm AST

ORANJESTAD - Gobierno ta exigi investigacion den contaminacion di jetfuel y ta
considera sancionnan severo. Asina un comunicado di prome minister Evelyn Wever a
bisa diasabra. Segun e comunicado,mesora cu Wever-Croes a wordo notifica di e
problema cu a surgi na aeropuerto diahuebs ultimo, desde New York el a duna
instruccion pa haci un investigacion na e contaminacion di jetfuel na Aeropuerto Reina
Beatrix. Prome Minister a duna di conoce cu e no ta comprende con algo asina por bay
‘robes’ si tin control severo riba e jetfuel na momento cu esaki yega yega Aruba te ora e
wordo entrega na e avionnan. “Nos pais a traha hopi duro pa hopi aña pa nos traha un bon
nomber den e area turistico. E exito cu Aruba tin cu turismo ta trece cu n’e
responsabilidad adicional. Y un di nan ta e responsabilidad cu FMSA tin den entrega di
jetfuel. Mi no ta compronde con algo asina por bay ‘robes’. Momento cu e jetfuel yega
Aruba y wordo descarga di barco, e mester wordo getest. Momento cu e wordo almacena
den e tankinan na San Nicolas, e mester wordo getest. Despues ta saca e jetfuel di e
tankinan y den truck ta hiba e jetfuel airport caminda e ta wordo almacena den e
tankinan. Desde e tankinan ey e ta wordo entrega na avionnan. Mi no por imagina mi cu
tur e proceso aki ta pasa sin cu ta test e calidad di e jetfuel. Unda e contaminacion a tuma
luga y ken ta responsabel pa esaki, mester wordo investiga. Nos no por tolera cu ningun
persona ni instancia ta haci wega cu nos unico pilar economico. Pesey mi a instrui pa un