Page 9 - WEB

Conferencia Aleman riba Energia Sostenibel na

Renaissance Convention Center

November 26, 2018

Un delegacion Aleman a yega Aruba e siman aki pa busca oportunidadnan na Aruba pa asina trece
tecnologianan nobo y innovativo riba energia sostenibel y renobabel. Companianan Aleman manera FWE,

EnergiEffekte, Sinn Power y BAE Batteries hunto cu representantenan di Gobierno Federal Aleman riba
Asuntonan Economico y Energia a yega Aruba y a inicia nan programa dialuna cu un sesion di informacion cu
Departamento di Asuntonan Economico, Comercio y Industria, ARINA, Camara di Comercio y Free Zone
Aruba. Banda di otro bishitanan na companianan estatal manera WEB Aruba NV, e delegacion ta bay tene

tambe un German-Caribbean Energy Conference riba diamars, 27 november 2018 na Renaissance Convention
Center pa tur companianan interesa pa desaroya comercialmente e sector economico riba Energia Sostenibel y
Renobabel.

Durante e conferencia aki cu ta gratis pa participa, cada compania aleman lo presenta nan modelo di negoshi
pa interesadonan cu e meta pa asina busca lazonan cu companianan local pa desaroya tecnologianan nobo riba
Energia Sostenibel pa e mercado local y pa exporta pa e region di Caribe y Latino America.

Desaroyo di Energia Sostenibel ta un di e Sectornan Prometedor cu Gobierno lo kier desaroya pa yega na un
economia fuerte y resiliente, manera presenta recientemente door di Minister Mr. Xiomara Ruiz-Maduro. Den
e cuadro aki Departamento di Asuntonan Economico, Comercio y Industria a yama bon bini na e delegacion y
a duna un presentacion amplio riba e vision di Gobierno riba e Sectornan Prometedor.