Page 10 - AAA 22 APRIL 2017

Na edad di 75 aña: Abogado Roy Brown a bay sosega

Friday, 21 April 2017 23:41
Comparti

Diaranson atardi, abogado mr. Roy Brown a fayece na su cas, despues di un lucha largo cu su salud. Mr. Roy
Alexander Brown a nace dia 18 October 1941 na Aruba, a bay MULO na Augustinus College na San Nicolas y cu su 16
aña a bay Hulanda pa sigui su estudio. Ey el a caba su Gymnasium na Den Haag y despues a studia ley na Leiden y a
gradua como hurista na aña 1970, pues 47 aña pasa.

Na comienso di aña 1971 el a regresa Aruba unda el a cuminsa traha como abogado. El a cuminsa su mesun bufete na
aña 1985; Advokatenkantoor Brown. El a traha como abogado te su 60 aña di edad.

Roy Brown a bay laga atras su casa Helen Brown-Ras, su yiunan Maura, Anthony, Patrick, Barbara, Jurani y
Alexandra. Tambe a bay laga atras 8 nieto/a cu ta stim’e masha.

Roy Brown tabata un di e fundadonan di Orden di Abogado di Aruba. Separa di esey el a fungi den Hunta di
Supervision di diferente organisacion y fundacion, manera Fondo Desaroyo Aruba (FDA), Aruba Investment Bank
(AIB) y Aruba Airport Authority (AAA) y tambe a fungi den Regentenraad di Dr. Horacio E. Oduber Hospitaal. Den
su bida e tabata ex Presidente di Kiwanis Club of Palm Beach.

Den su hobby, Roy Brown tabata un fanatico ferviente di golf y di cricket.

Lo tin oportunidad pa duna condolencia diasabra dia 22 di April 2017 na Ad Padres Funeral Home na San Nicolas
entre 6:00pm y 9:00pm. Lo tene e ceremonia di despedida den seno familiar. Cu Roy Brown sosega na paz.

http://www.24ora.com/index.php?option=com_content&view=article&id=121061:na-edad-di-75-ana-
ex-abogado-roy-brown-a-bay-sosega&catid=1:local&Itemid=5