Page 16 - UTITLITES
P. 16
AWEMainta Diamars, 30 Mei 2017 5
Diferente bario pabou
di brug a keda sin coriente
Brown out diadomingo
causa pa fluctuacion halto
di voltahe y frecuencia
den central di WEB
DIADOMINGO 28 di mei den oranan laat di
atardi, a surgi un interupcion den produccion di
coriente na WEB. E interupcion a surgi alrededor di
5:00pm y pa mas o menos 10:00pm a logra 100%
reconexion rib’e red di distribucion di ELMAR. Un
cantidad di bario pabou di brug, e. o. e area di hotel,
a keda sin coriente.
Un investigacion preliminar ta mustra cu durante
trabou di reparacion na un unidad di produccion di
steam (miho conoci como boiler) a surgi un fayo cu a
pone cu dos unidad di produccion di steam a wordo
saca for di servicio tras di otro. Esaki ta sosode via
nan sistema di seguridad pa asina proteha personal
y mashin.
Consecuentemente, intentonan di personal di op-
eracion di WEB pa start e unidad di emergencia (e
turbina di gas) pa por mantene e suministro balansa,
no tabata exitoso.
E imbalance aki tambe a afecta un motor RECIP y
saca esaki for di servicio.
E fluctuacion di voltahe y frecuencia tambe a afecta
Windpark Vader Piet cu a wordo saca for di servicio
varios biaha pa su sistema di seguridad.
Concluyendo, por papia di un acumulacion di inci-
dente cu a causa e brown out di diadomingo ultimo.
Un biaha mas WEB a haci su maximo esfuerso pa
stabilisa e suministro. A trata pa mantene comunidad
mas informa posibel via WEB su pagina di Facebook,
durante e periodo di e brown out. E compania di awa
y energia ta ofrece su disculpa pa e inconveniencia cu
comunidad a sufri diadomingo ultimo.
E proceso di generacion y suministro di coriente ta
consisti di operacion di e. o. boiler, turbina, molina di
biento, panel solar y generadornan RECIP di WEB,
hunto cu cabelnan di coriente, transformadornan y
substacionnan di voltage halto.
Esakinan ta maneha pa operadornan di forma cu tur
ekipo ta reacciona segun e demanda di coriente di
nos isla ta cambia. Si diripiente e demanda subi of
baha, operadornan di WEB mester por reacciona hopi
lihe pa por mantene e generacion di coriente stabil.
Pa WEB e prioridad na momento di un interupcion
ta pa reestablece e situacion di coriente. Despues, ta
haci investigacion mas profundo pa determina kico
mester haci pa evita ripiticion.
