Page 8 - CMB
P. 8
Aruba Bank firma acuerdo di patrocinio
cu SMAC
Posted on 11/5/2018 4:49 pm AST | Updated on 11/5/2018 4:49 pm AST
ORANJESTAD - Aruba Bank, e banco pionero di Aruba cu mas di 93 aña sosteniendo
nos comunidad lo yuda engrandece Aruba su Carnaval 65 na 2019. Gerencia di e
institucion financiero, awe durante di un ceremonia, a firma un acuerdo di patrocinio cu
SMAC (Stichting Maneho di Aruba su Carnaval) pa yuda sostene e fiesta cultural anual
di mas grandi di nos pais y e vitrina turistico mas conoci rond mundo. Segun Sharon
Frankel-De Cuba, Managing Director di Aruba Bank, “Nos ta orguyoso di por contribui
na engrandece nos cultura na un manera cu comunidad completo y nos bishitantenan
por disfruta di un celebracion di calidad.”Nos ta invita nos comunidad asisti na
eventonan organisa pa SMAC y asina sostene tur e musiconan, participantenan,
gruponan y organisadonan cu ta dedica na haci Carnaval e fiesta cultural mas grandi di
nos pais y tambe uno di esunnan mas renombra den nos region y na mundo.
