Page 19 - AWEMAINTA

Diasabra, 29 December 2018 AWEMainta 19

Kiwanis a entrega 102 hamper cu

articulo basico na famia

PA di 8 aña consecutivo e club di servicio Kiwanis

Club of Young Professionals Aruba (KYPA) a haci

entrega di 102 hamper cu articulo basico pa fin di
aña na famia. E proyecto comunitario aki conoci

como “Christmas in a Box” ta wordo ehecuta den
3 diferente fase caminda cu ta: Colecta, empaketa y

entrega.

Den e fase di coleccion e miembronan di Kiwanis a
para na 3 diferente ocasion na entrada di Superfood

caminda cu a ricibi diferente articulo y tambe dona-

cion efectivo.

Banda di esaki tambe tin e coleccion cu ta pasa

serca diferente compania pa contribui cu producto
of efectivo. E aña aki nos kier gradici: Superfood,

Satex, Op=Op, Martijn Trading, Oduber Agencies
N.V., Ellcey Trading N.V., Goods Import and Logis-

tics Aruba, Prinses Amalia Basisschool y tambe Ma-

ria School.
E parti di empaketa a tuma lugar 3 anochi caminda

cu e miembronan a bin hunto pa inventarisa locual
tin y pa empaketa esakinan den e 102 hampernan.

Diadomingo 16 di December ultimo, e miembro-
nan a reuni y asina sali y cuminsa haci entrega di e

hempernan aki. Pa finalisa e proyecto a haci dona-

cion di e articulonan cu a resta na Fundacion Pa Nos
Comunidad pa por haci uzo di esaki pa nan cliente.

KYPA kier bisa comunidad di Aruba masha danki pa

a sostente e proyecto comunitario aki
“Christmas in a Box” un biaha mas p’asina aki com-

parti e felicidad di fin di aña cu otro famia.

Kiwanis en general tin como meta pa sirbi e muchan-

an den nos comunidad y e hampernan aki a bay pa
famianan cu mucha pa por alegra tur mucha nan fin

di aña un poco mas. E proyecto aki ta uno reconoci
y sostene pa nos partnernan local, pero tambe inter-

nacional caminda cu “Christmas in a Box” a ricibi

premiacion di 2do lugar den e Districto di Eastern
Canada & Caribbean como signature project.