Page 11 - AWEMAINTA
P. 11
Diaranson, 14 augustus 2019 AWEMainta 11
E cuidadornan di cachonan di KIA a duna
varios presentacion na skol y summer camp
MIEMBRONAN di e Team di Refuerzo y
Brigada di Cacho, BOT-K9, di KIA a traha
duro durante ultimo simannan preparan-
do pa vakantie grandi. Durante vakantie
grandi nan a haci diferente presentacion y
duna diferente demostracion na hubentud
rond di Aruba.
Riba peticion di maestronan y di cuida-
dornan di e diferente lugarnan cu ta ricibi
muchanan despues di skol, a percura pa
organisa encuentronan di informacion na
e.o. Scol Preparatorio Tarcicius na Mabon,
Pastoor Kraaiwinkel School na Paradera,
Santa Rosa College na Oranjestad, Cool
Kids na Boegoeroei y BMX Fun Club na
San Nicolas.
Dependiendo di e edad, a duna informa-
cion riba un gran cantidad di topico. E
muchanan mas jong a haya un splicacion
di cuido di cacho, con pa bo ta un doño di
cacho responsabel y kico tur bo por siña
un cacho.
Mientrastanto, e muchanan mas grandi a
haya informacion di uzo di droga, e tra-
bou di un cacho special pa listramento y
un cacho di vigilancia. Tambe a papia riba
bida den KIA y trahando den KIA. A ter-
mina tur presentacion cu un demostracion
de e cachonan pa listra y di atake, unda e
Cocker Spaniel-nan Noa y Saar a resulta
di t’esnan faborito cerca e muchanan.
E encuentronan informativo y di demos-
tracion pa skolnan y tur organisacion/in-
stancia cu ta ricibi e muchanan despues
di skol ta algo los di e tarea primordial
di KIA. Esaki KIA ta balora masha hopi
mes, pasobra n’e manera aki nan ta haya
un oportunidad pa aporta n’e formacion di
hubentud di Aruba.
