Page 17 - AWEMAINTA

Diaranson, 14 Augustus 2019 AWEMainta 17

Turista no tabata clinica morto,

pero si burachi y for di tino

DIALUNA madruga Polis y ambulance a bay riba e parkeer-
plaats patras di South Beach, unda un UTV a bolter.

Na yegada Polisnan a topa cu un homber riba vloer, e no tabata na

tino. P’esnan rond, e lo tabata mustra grave y ta pesey a pidi pa
Polis y ambulance cu urgencia.

Parce cu e UTV aki lo a tuma un bocht skerpi riba e parkeerplaats

causando cu e vehiculo a bolter. Esaki a causa cu e el a saca e chauf-

feur bente riba asfalt. E momento ey e tabata for di tino. Mirando
e sla na su craneo, eybao a ser bisa cu e lo ta clinicamente morto.

Na yegada di ambulance Paramediconan a transporte pa Hospital

y dokternan lo a pensa cu e ta serio y a hinke den ICU. Den oranan

di anochi nos a haya informacion cu e turista a bin bij y a sali for di
ICU. E mester gradici Dios cu e ta bibo.

Chito Dirksz a nenga tratamento na Eerste Hulp

DIALUNA atardi Polis a bay n’e bushalte na altura di Alhambra,
unda lo tabatin un homber herida sinta abou.

Na yegada di Polis a resulta cu t’e mesun Chito Dirksz, kende al-

guna rato prome a wordo seriamente herida na su cabes cu un bar-
ranca den Rancho. El a wordo treci Eerste Hulp pa haya tratamen-

to debi cu e tabata baña na sanger.

Na Hospital a constata cu el a ricibi dos kap, cu a sangra masha

hopi mes. Pero, na Hospital Chito Dirksz lo mester a mustra su
AZV kaart.

Chito dado momento no tabata kier a keda pa tratamento y sali bay
sin wordo trata segun nos a compronde.

N’e bushalte agentenan a papia cune y trata na convence cu ta pa
su mesun bon p’e haya tratamento. Pero Chito Dirksz no kier a

coopera.

Su pareha a presenta cu su carchi di AZV y paña limpi debi cu e
otro tabata sushi na sanger.

Despues di basta papiamento e lo a cuminsa pensa “normal”, cu

ta pa su mesun bon e bay Hospital pa haya tratamento pa su heri-
danan.