Page 70 - UPDATED PAUL CROES DEC 22

Segun e mandatario esaki ta un fenomeno anual unda cu tur fin di aña unda cu e
cantidad di mercancia cu mester wordo importa ta hopi mas grandi normalmente
durante aña pa motibo di dianan di fiesta, tambe e presion di trabao ta subi y asina ta
haya cu tin sierto malcontento ta wordo vocifera. Esaki ta bin tambe mescos for di e
parti di comercio na unda cu nan tambe a expresa nan mal contento manera cu e
situacion ta bayendo. Sinembargo tur aña gobierno tin atencion pa e situacion aki y tur
aña ta purba di organisa y mira na unda departamentonan por reenforsa otro unda cu
mas ta druk. Loke cu ta un peticion tambe cu e mandatario a tende di dje ta pa expande
e cantidad di duaneronan, pero e realidad ta cu esaki no ta un situacion facil debi cu un
trabao di un duanero ta un trabao hopi specialisa y ta rekeri hopi conocemento di
leynan di Aduana y otro tareanan cu Aduana ta atende cu ne.

E ta un trabao cu ta rekeri un seleccion despues di tin un trayectoria di estudio y
training pa asina nan por wordo educa pa e trabao cu nan mester desplega como un
duanero. Minister Bermudez ta na altura di e preocupacion cu tin tambe riba e pregunta
‘’ kende ta controla e controladonan’’ na waf di barcadera tin ASTEC cu ta esun cu ta
encarga cu e exportacion na waf den nomber di APA NV , esaki ta pone cu nan tambe
tin e autoridad y tin e obligacion pa loke ta e siguridad di e tereno di waf di barcadera cu
nan a otorga un otro compania priva cu ta posibel den e margen di nos leynan. Den e
caso aki ASTEC ta esun cu ta keda responsabel pa e siguridad. Segun e mandatario e
tereno di waf ta un tereno duanero tambe, segun ley e ta un landingsplaats pa
mercancia cu ta bini di exterior y eynan Aduana tin tur autoridad pa actua pa loke ta
trata e mercancia.

E mandatario ta consciente cu na momento cu e waf a muda pa barcadera eynan a
pone algun reglanan adicional debi cu tin un otro facilidad, infrastructura y logistica cu
ambos banda mester custumbra cu e forma nobo di siguridad cu tin na waf di
barcadera. Pero tambe ta kere cu e personanan cu ta di ASTEC tambe mester
custumbra y respeta e trabao di e duaneronan. Si tur hende ta compronde kico ta nan
funcion riba e tereno di waf na barcadera e ora nos tur sa con nos tin cu anda cu otro y
respeta e trabao di otro.