Page 3 - MIN ON

Dr. Carla Di Caudo lo elabora riba un estudio cu e ta haciendo riba e situacion di
epilepsia na Aruba, algo te ainda desconoci na nos pais mientras Dr. Rafael
Gonzalez Redondo lo trata e relacion di epilepsia y stroke.

Manera conoci, a funda Stichting Epilepsie Aruba na 2007 cu e meta pa brinda

informacion di epilepsia na comunidad. Esaki pasobra tabata y te ainda tin un
necesidad grandi di informacion riba e enfermedad aki: Kico ta epilepsia, con pa

anda cune, un hende cu tin e problema aki por hiba un bida normal? Cu ayudo
di entre otro dokter y otro personanan activo riba epilepsia, e fundacion riba un

base regular ta tene anochi di informacion cu charlanan riba e enfermedad aki.

Prome cu a lanta e fundacion, pashentnan di epilepsia practicamente no tabatin

acceso na informacion riba e enfermedad, cu tur su consecuencianan. Durante
casi 10 aña, SEA regularmente a tene eventonan manera esun di otro siman y

ta duna tambe charlanan na hopi instancia na Aruba por ehempel na scol y
crèchenan, YMCA, centronan di bario, Casa Cuna y otronan. Esakinan ta wordo

duna door di 2 verpleegkundigen di SEA. Pa mas informacion por yama
Margarita Pourier-Henricus na tel. 600-4184.

E anochi di informacion e biaha aki lo tuma luga na Auditorium di Universidad di
Aruba diamars 13 di Februari 2017 di 7:00pm pa 9:30 pm. Idioma lo ta Ingles y

Papiamento y entrada ta gratis. Tur hende ta bon bini!

http://masnoticia.com/stichting-epilepsie-aruba-cu-charla-diamars-otro-siman-na-universidad-di-aruba/