Page 76 - AHATA

Princess na momento cu e barco tabata rumbo pa Aruba. “The cause of death is not
yet known at this time,” ta loke e compania a bisa den nan boletin.

— Royal Princess a bandona Aruba na su ora
planea.
“Nos ta hopi tristo cu e incidente aki, y ta ofrece nos sincero condolencianan na e famia

y esnan afecta.”

E homber cu tabata cune, a wordo identifica tambe como Mericano. Su edad no a

wordo suministra.

E homber a haya un hotel local unda e ta hospedando, y trahando hunto cu e Agencia
local di Princess Cruises, pa por manda e restonan mortal di e fayecida bek pa Merca.

Tin indicacion cu Dialuna tambe, tabatin un pleitamento di pareha na e kade di
Willemstad, net unda e barco Royal Princess tabata mara. Sinembargo no tin
confirmacion si acaso ta trata di e mesun pareha aki.

DEMAS INFORMACION:
E biaha aki, ta masha poco informacion prensa local a ricibi di e caso aki. Mayoria di e
detayenan cu a sali den DIARIO, a bin di fuentenan internacional y di e industria
crusero, cu a duna informacion.

Prensa a keda asombra pa haya sa cu e homber no ta wordo considera como
sospechoso. Esey por ta un indicacion cu e security-video tin evidencia claramente cu

ta e muher mes lo a bula di e railing, pues e homber tin nada di haber cu e asunto. Of
kizas tin otro indicacion pakico e homber ta liber, y voluntariamente a baha pa keda na
Aruba.