Page 59 - AHATA
P. 59
Playa Linda Beach Resort recientemente a lansa su partnership cu “Pack for a Purpose”,
cual ta encurasha biaheronan pa usa nan espacio extra di maleta y trece abastimientonan
necesario pa yuda sostene un organisacion caritativo local.
Despues di introduci e iniciativa, miembro y invitadonan di Playa Linda a responde
positivo cu muestra di sosten y apoyo. E prome donacion a cuminsa drenta na Januari,
despues di e lansamento recien cu bishitantenan di Pennsylvania, Mr. Sykes y Ms.
Misthal, respondiendo cu cargamento di cuminda di bestia como donacion pa e Animal
Relief Foundation (ARF) Aruba.
Pack for a Purpose ta hiba e mensahe di “haci bo biahamento balioso” door di aloca
biaheronan cu necesidadnan di proyectonan comunitario rond di mundo. Desde 2010, el a
yuda cientos di proyecto na lugarnan manera Africa, Asia, y Caribe, door di enfoca riba
un di e 5 areanan general: educacion, salud, bienestar di mucha, bienestar di animal y
desaroyo socio-economico.