Page 27 - FDLP
P. 27
Categoria di 10 and under.
Tur atleta di 10 aña y mas jong a cai den e categoria aki. Tin atleta cu ta preparando pa
competencia di NOVATOS, cu lo tuma lugar na Fort Lauderdale na luna di Mei. Esaki ta
un competencia specialmente pa atletanan cu nunca no a participa ainda na niun
competencia grandi.
Categoria di 11-12. Tur atleta cu ta cumpli 11 of 12 aña durante 2019 ta cai den e
grupo aki. E team aki ta preparando pa competencianan internacional tumando lugar fin
di juni, CCCAN na Barbados, y fin di augustus, UANA na Canada.
Categoria di 13 -15. Tur atleta cu e edad di 13 pa 15 aña na 2019, a participa den e
categoria aki, y e team completo tambe ta preparando pa CCCAn y UANA.
Categoria Junior. Junior ta categoria di 15 pa 18 aña. Y e rutina technica ta consisti di
cierto elementonan obligatorio. Esaki ta wordo landa en bes di e evento di figuras cu e
atletanan mas
jong si tin cu hasi.
Categoria Senior. Senior ta categoria di 18 aña bai ariba. Locual mester menciona ta cu
Abigail de Veer a landa e rutina su so, pasobra su Duet partner, Kyra Hoeverts ta na
Merca na e momento aki pa su College.
E competencia a dura dos dia y a inicia cu e competencia di figura (Figures) ariba
diasabra 16 di maart pa 9:00am cu a enfoca ariba cierto elementonan obligatorio den e
deporte di landamento artistico. Atletanan mester hasi algun movecion basico segun
stipula den e reglanan di FINA y hueznan presente ta duna nan un punto di 0.0 – 10.0.
Mayoria di e figuranan ta rekeri cu solamente e pianan di e atleta ta visibel ariba e awa,
dus e atleta su cabez mes ta bou di awa pa algun seconde. E evento di figura ta pa
categoria 10U, 11-12 y 13-15 y e resultadonan ta lo siguiente:
