Page 54 - FDLP
P. 54
Weganan di Softball Escolar, IBiSA a tuma
lugar na terreno di Rockets”
7 HORA PASA , 21 DI MAART 2019 15:09
SECCION: DEPORTE
Diaranzon atardi, na tereno di Rockets na Santa Cruz, weganan di softball escolar organiza pa
IBiSA a tuma lugar.
Juliana School vs Abraham De Veer
Prome wega di atardi tabata entre e muchanan di Juliana School y Abraham De Veer School.
Den cabez di prome inning, Abraham de Veer ta logra anota un carreda, mientras cu den bom
di prome inning Juliana School ta reacciona y ta anota 6 careda,
Den di dos inning no tabata tin careda pa ambos school.
Den cabez di tres inning, Abraham De Veer ta corta bentaha y ta anota 3 careda, pero Juliana
School no a keda a tras y ta anota 2 careda.
Den di cuater inning no tabata tin careda pa ambos school.
Den cabez di cinco inning, Abraham De Veer ta score 3 careda pa asina e wega bira mas
interesante, pero den bom di cinco inning, Juliana School ta anota un careda mas y asina ta
bay cu e victoria tambe cu score di 9-7.
Juliana School a anota un total di 9 careda y a bati 10 hit, mientras cu Abraham de Veer a
anota 7 careda y a bati 9 hit.
EPB Hato vs Colegio Arubano
E di dos wega di atardi a tuma lugar entre EPB Hato y Colegio Arubano.
Den cabez di prome inning EPB Hato a anota un total di 3 careda, mientras cu den bom di
prome inning Colegio Arubano no a logra anota careda.
Den cabez di dos inning, EPB Hato no a anota careda, mientras cu den bom di dos inning
Colegio Arubano ta corta bentaha anotando 2 careda.
Den cabez di tres inning EPB Hato ta anota 1 careda mas, mientras cu Colegio Arubano no ta
anota careda.
Den cabez di cuater inning EPB Hato ta dal un rally y ta anota un total di 11 careda mientras cu
Colegio Arubano den bom di cuater inning no a anota careda y asina tambe e wega ta termina
cu victoria pa EPB Hato cu score di 15-2.
EPB Hato a anota un total di 15 careda y a bati 20 hit, mientras cu Colegio Arubano a anota 2
careda y a bati un total di 8 hit.
Weganan di Softball Escolar organiza pa IBiSA ta continua e fin di siman aki y otro siman na
tereno di Rockets na Santa Cruz.
