Page 6 - DIMP
P. 6
Asina por ehempel el a mustra cu aki na Aruba e hendenan no por ricibi ningun pago (di
placa) via online. Sistemanan cu ta uza hopi ta PayPal, Stripe, Cash App. E hecho cu no
por haci uzo di e sistemanan aki, hopi Arubiano ta perde bon oportunidadnan. “Na Aruba
nos falta ainda pa progresa y modernisa den e parti di “online payment”. Cu e sistema aki
nos hendenan por saca hopi beneficio.” Asina el a duna e ehempel cu un persona aki por
ricibi placa for di un famia via di e plataformanan ariba menciona. Como cu no tin e
posibilidad ey, mester haci uzo di e sistema di transferencia via di banco. E sistema aki ta
haci cu lo dura algun dia prome cu e beneficiario haya e placa riba su cuenta. Den
casonan di emergencia, e ta bira un berdadero dolor di cabes.
E sistema di PayPal ta un sistema facil pa mayornan cu tin yiunan studiando den exterior.
E hoben ta ricibi e placa mesora riba su cuenta. Otro bentaha ta cu e “transaction fee” ta
un suma hopi chikito. Hopi menos cu esun cu banco ta cobra y esun di e otro tipo di
negoshi cu ta manda placa afo.
E ciudadano ta haci un apelacion na esnan responsabel pa haci e cambio. Aruba mester
modernisa den e sistema di pago “online”, cu ta beneficio so por saca di esaki. Un
Arubiano por haci negoshi online na Aruba y ricibi su placa (pago) via di e plataforma
aki y ta paga belasting normal na Aruba. Pues e ta un entrada mas pa pais. Mester tene
cuenta cu tur cos ta birando movecionnan online, Aruba no por keda atras. Hopi pais na
mundo ta uzando e sistemanan aki di pago.
Ademas un apelacion pa pueblo yuda e iniciativa aki door di participa e siguiente
peticion.
https://www.change.org/p/aruba-online-payments-for-aruba-lets-make-it-available-
modernisa?recruiter=1001083687&utm_source=share_petition&utm_medium=facebook
