Page 4 - MIN ARENDS_Neat

Gobierno no ta bay wanta mas: MIO su existencia ta colga na
un hilo

Monday, 22 May 2017 12:54
Comparti

Nos a combersa cu Minister Richard Arends, kende a splica cu pa algun aña caba DTZ y Gobierno di
Aruba tin algun caso andando cu e compania di telecomunicacion MIO.

Tur biaha Gobierno di Aruba tabata wordo poni na razon pa loke ta trata cobransanan cu tabata tin pa
loke ta e uzo di e consecion di telecomunicacion celular. E decreto cu ta stipula e tarifanan pa loke ta
trata servicionan di telecomunicacion ta hopi standard y straight forward. Pa cada 10 aña ta un suma di
mas of menos 10 pa 12 miyon florin ta paga y esey ta wordo cumpli door di tur compania cu kier explota
un red di por ehempel celular. Esaki ta pa garantisa un level paying field, caminda cu tur partido tin e
mesun gastonan, e mesun exigencianan cu ta wordo haci na tur partido. A intensiva e modo di cobransa
pa loke ta MIO y tambe a entrega un decreto na Gobernador cu a wordo ehecuta, cu MIO tin te dia 30 di
Juni di e aña aki pa cumpli cu e sumanan habri, sino lo bay over na intrekking entrante 1 di Juli di 2017.
Come across Segun MIO, ta un diferencia di interpretacion. Ora cu nan a cumpra e compania cu nan a
comercialisa como MIO, segun e minister tabata tin un fayo di comunicacion. Un due diligence cu no a
wordo haci debidamente y obviamente pais Aruba ta mira cu e entidad ta sigui existi, irespectivamente ki
nomber comercial cu e por tin.

Cu tin algun suma habri for di 2013 y no tabata tin ningun acercamento di parti di MIO pa loke ta pago di
esakinan. Nos ta papia aki di varios miyon di florin, segun e minister. Casonan E minister, kende tabata
consehero di e minister di telecomunicacion, a hiba hopi dialogo cu MIO y a purba di yega na un
solucion. Con cu bay bin ta conciente y e ministernan e tempo ey, encarga cu telecomunicacion ta
conciente di e impacto cu e por tin. Pero di otro banda tin cu balansa cu e mester ta fair pa tur hende.
Den varios oportunidad a purba di yega na un solucion y esey no a logra segun Minister Arends. Demas
companianan SETAR, Digicel, e dos companianan ta cumpliendo cabalmente cu nan consecion, segun e
minister.

Gobierno cu maneho nobo pa loke ta trata stablecimento di
supermercado y minimarket den areanan residencial

Monday, 22 May 2017 12:51
Comparti