Page 10 - UTILITIES 20 FEB 2017
P. 10
Chauffeur hoben a bay flauw tras di stuur y ranca palo di lus
riba Sasaki Weg
Sunday, 19 February 2017 02:42
Comparti
Den careda di 1:30 AM di marduga diadomingo, e patruya di Noord a ser dirigi riba Sasaki Weg caminda
un auto a ranca un palo di lus. Na yegada di patruya a bin topa cu un Mitsubishi Outlander color shinishi
numera A-43051 a ranca un palo di lus completo.
A manda pidi ambulance pa asina Paramediconan duna e dama asistencia medico. Polis di trafico tambe
a presenta na e sitio pa asina tuma datos di e sucedido. Na un prome instante a conclui e chauffeur hoben
lo a pega soño na stuur y a ranca e palo di lus despues di baha caminda cu e auto. Pero despues e
chauffeur mes a indica cu e no tabata sinti su mes bon y a bay flauw tras di stuur, cu e consecuencia aki.
E daño material tabata hopi. A manda pidi tecniconan di Elmar na e sitio su pasobra waya di coriente
tabata benta riba e auto y tabatin coriente riba e kabel. E caminda a keda basta rato cera pa trafico.
