Page 33 - MIN VOS

18 AWEMainta Diamars, 10 Januari 2017

MVC Eagle Hotel hunto

cu Cruz Cora Aruba

a tene un desayuno

di Aña Nobo pa nos

grandinan

DIABIENA 6 di january ultimo, MVC Eagle hunto cu Cruz
Cora Aruba a tene un desayuno special di Aña Nobo pa 40 di nos
grandinan.
E invitadonan special p’e evento aki tabata procedente for di dife-
rente cas di cuido rond di Aruba. De Palm Tours tabata encarga pa
transporta nos grandinan durante e dia, kendenan a ser busca for
di e edificio di Cruz Cora na Dakota p’asina nan por a dusfruta y
habri aña di un manera positivo.

Pa Amsterdam Manor Beach Resort ta un honor di por inverti den
e calidad di bida di nos grandinan y huntu cu Cruz Cora Aruba a
haci esaki posibel un biaha mas, pa di dos aña consecutivo.

E aña aki Amsterdam Manor ta sinti e actividad aki un tiki mas di
serca di nan curason, dor cu nan Mananging Director, Jurgen van
Schaijk, awor ta forma parti di board di Cruz Cora Aruba for di dia
3 di januari di 2017.

E aña aki tambe ta uno grandi pa Cruz Cora Aruba cu for di mo-
mento cu nan a ser funda na 1957 y te cu awor, ta cumpli 60 aña
ofreciendo nan servicio incansabel n’e comunidad di Aruba.
Un motivo cu sigur merece un reconocemento special pa nan con-
stancia y dedicacion den diferente area cu nan ta atende den nos
comunidad y cu Amsterdam Manor Beach Resort y MVC Eagle
Hotel ta desea di por apoya pa hopi aña mas den futuro.