Page 68 - AHATA

E proyecto ta carga e nomber di “Gateway 2030” cu ta un proyecto hopi importante pa
e futuro di Aruba su turismo, y cu ta necesario na e momentonan aki, pa brinda e
servicio y experiencia cu nos pais ta desea di ofrece na nos turistanan. E dignatario a
expresa cu riba Diasabra y Diadomingo por mira cu ya caba nos aeropuerto a yega na

su capacidad maximo. Tin rijnan largo cu no ta experiencia cu Aruba kier duna su
turistanan na momento cu nan ta abandona nos Isla, pasobra nos aeropuerto a yega su
capacidad maximo.

Kiermen, e proyecto aki ta di vital importancia pa e experiencia cu gobierno kier brinda
nos turismo. E proyecto aki ta uno unda tin inversion di 175 miyon dollar cu ta mas of
menos 500 miyon florin, y e ta bay bira e proyecto di mas grandi den historia di nos
pais. Un proyecto asina ta hopi importante pa nos pais su economia, Minister Oduber a

splica, agregando cu e ta bay crea mas of menos 400 cupo di trabao na momento cu e
inicia te momento cu e lo finaliza. E ta bay tin un duracion di mas of menos cuater aña
y ta bay genera entrada financiero pa gobierno y lo contribui na nos DGP, y e ta bay
crea un “spinoff” economico hopi grandi.

“Contento, como minister encarga di nos aeropuerto di por anuncia oficialmente, cu e
proyecto aki lo bira un realidad. E proyecto aki no ta solamente importante pasobra
aeropuerto a yega su capacidad maximo, sino tambe pa e futuro di Aruba” e dignatario

a expresa.

E proyecto aki ta bay trece cune cu lo bin dos gate nobo, un area comercial mas
amplio, cu mas tienda y mas moderno, y un proceso di check in mas eficiente y

moderno cu loke tin aworaki. E lo ta un experiencia total pa e turista, y gobierno sigur
ta para tras di un proyecto asina cu na final di dia, lo ta un beneficio pa nos comunidad.

https://www.diario.aw/2018/10/proyecto-gateway-2030-ta-importante-y-

necesario-pa-aruba-su-turismo-y-su-economia/