Page 41 - Djamars 25 september 2018.pdf

Djamars 25 Sèptèmber 2018 41
Kantidat di suisidio
bou di hóbennan
na Ulanda ta
spantoso
WILLEMSTAD. - For di
investigashon realisá di parti
Ofisina Sentral di Estadístika
(CBS) a sali na kla ku kasonan
di suisidio bou di hóbennan
bou di 20 aña di edat ta
spantoso. Segun relatonan
di CBS nan ta hasi menshon
ku kompará 2016 ku 2017, e
kantidat a bira dòbel. Esaki CBS
a publiká ayera na Ulanda.Na
2017 tabatin un total di 1917
persona ku a kometé suisidio
rònt Ulanda i di e kantidat aki
81 tabata hóbennan bou di
20 aña di edat. Na aña 2016
e kantidat tabata 48 i p’esei
CBS ta hasi menshon di un
oumento drástiko.Di e 81
hóbennan aki 50 ta mucha
hòmber i 31 ta mucha muhé.
E loke ku ta remarkabel ta ku
di kada 10 hóben ku kometé
suisidio 3 ta migrante o sea ku
nan mayornan no a nase na
Ulanda. Si kue un averahe ta
hasi menshon di 7 hóben ku ta
kometé suisidio pa luna.
E sekretario di Estado a
duna di konosé ku mester bin
un investigashon profundo
kaminda ku lo mester papia
ku mayornan pa saka afó
kiko ta e motibu di oumento
spantoso aki. Ya medio di e
aña aki Gobièrnu ulandes
a pone 14 mion euro èkstra
plaka riba presupuesto pa
por duna mas yudansa grátis
na hóbennan i tambe realisá
mas investigashon. E plaka
mester sirbi tambe pa mihó
tratamentu urgente ora un
víktima yega pa trata di skapa
nan bida, manera kuido
intensivo etcetera.
E kalkulo ta ku pa aña na
Ulanda 94.000 persona ta
intentá di kometé suisidio.
Aña pasá na total di 2.031
persona a fayesé ku nan edat
ta entre 10 pa 40 aña, kaminda
ku un kuart ta kasonan di
morto ta suisidio. Kompará
ku otro forma di morto, 463
tabata suisidio, 435 tabata pa
malesa di kanser, 168 a muri
a konsekuensia di aksidente
di tráfiko i 161 pa malesa
di kurason.Pero na Ulanda
tin tambe na fundashon
yamá “Stichting Laatse Wil”,
akinan hendenan ku tin un
último deseo ta yega i nan ta
haña ayudo pa nan último
deseo. Na febrüari di e aña
aki un hóben femenino di 19
aña di edat a usa un asina
yamá “zelfmoordpoeder”
di e fundashon aki, loke ku
a trese kantidat grandi di
diskushon rònt Ulanda. E
fundashon aki ta basa na
derecho di eksistensia riba e
lei di eutanasia, ku ta un lei ku
Ulanda konosé.