Page 29 - MIN ON_Neat

Dia 2 di e tayer HCI: “Tecnica di documentacion, filmacion y
fotografia”

Thursday, 01 June 2017 18:49
Comparti

UNESCO Aruba a complita su di dos un tayer awe na Biblioteca Nacional Aruba riba preservacion di
Herencia Cultural Inmaterial na Aruba. E mainta a cuminsa interactivo unda e repasa e programma di e
dia anterior. Despeus a cuminsa cu un presentacion di Sr. Eldric Croes cu ta forma parti di Archivo
Nacional Aruba.

Sr. Croes a duna informacion tocante con ta warda, cuida y proteha nos archivonan (documentonan,
potretnan, video's, cassette etc.) Degitalisa ta un manera pa por sigi transpasa informacion pa e
generacion nobo. E meta ta pa bin hunto y crea un plataforma unda por intercambia informacionan den
archivo, Sr Croes ta splica. Despeus di un break cortico Sr. Ryan Oduber a duna un precentacion tocante
e tecnica di filmacion. Esaki ta un elemento importante ora kier preserva pasado pa futuro. Semper
mester tuma cuenta cu diferente criterianan ora kier documenta un storia of persona riba film. Den e
precentacion di Demond Ridderstap a agrega e parti di fotografia cu tambe por forma parti di un
documentacion. E dia a termina cu un precentacion unda a presenta e documentario “Gerry El Barbero”
pa asina duna e participantenan inspiracion. Tur interesadonan por sigui e tayer “Live” via riba e
Facebook page di biblioteca Nacional Aruba. Keda pendiente pa e di tres comunicado tocante e di tres
tayer di HCI. https://www.facebook.com/bibliotecanacionalaruba/?fref=ts