Page 46 - AHATA

Awo cu e maneho nobo aki nan no por sali. Ramirez mes por sali pero como capitan. Nan

ta haya dos pase pa cada embarcacion. E mester duna su pase na un miembro di

tripulacion kende ta doño di su mercancia, pa asina e bay bendenan afo. Awor aki nan ta

pidiendo un pase adicional, pa nan por sali y recoge e cosnan afo y hinca nan paden,

manera ta pidi.

Mayor parti loke nan ta recoge ta cuminda, di e famianan cu ta na Aruba, ta manda

cuminda pa nan famia na Venezuela.

Tambe nan mes ta cumpra cuminda eynan. Nan ta hiba cosnan for di Aruba pa hiba pa

Venezuela, mirando e situacion cu tin eynan, pero mas tanto cuminda, pasobra eynan no

tin.

MOLESTER

No tin echt un molester, djis cu no ta tur hende por sali. Mas tanto Astec, pasobra nan tin

e siguridad.

PETICION

Segun Ramirez, nan a keda di haya un contesta pa dialuna entrante. Ta spera e ora kico lo

bay pasa, pa e bon di tur hende. Ta poco boto cu ta bin for di Venezuela. Ta esunnan

tradicional cu hopi aña ta bin, segun Ramirez. E ta enfatisa cu ta hendenan serio,

responsabel y trahado, ta bin Aruba pa bende nan cosnan. Nan no ta contra e control. Nan

no por opone na esey. Nan ta mas bien contento. Esey ta loke ta evita problema. Pero nan

tin nan presiona. Nan tin nan contra muraya, y no ta duna nan chens pa cumpra nan

cosnan afo. Nan tin cu pidi fabor pa otro hende cumpra cos pa nan, Ramirez a comenta.