Page 76 - AHATA
P. 76
E Boeing 777 di e aerolinea Nordwind Airlines di Rusia, cu espacio pa mas of menos 400
pasahero, tabata staciona den un parti priva di e aeropuerto cercano na Caracas despues di
a bula directamente for di Moscu, segun datonan di siguimento di e vuelo y potretnan di
Reuters.
Tur tipo di indicacion riba rednan social, tabata testimonio di e atmosfera di e
incertidumbre den e pais, despues cu Maduro a wordo poni bao di un gran presion
internacional pa e renuncia.
Reuters a informa diabierna cu e contratistanan militar priva, cu ta realisa misionnan pa
Rusia, a bula pa Venezuela pa reforsa e siguridad di Maduro ante e protestanan masivo di
oposicion siman pasa, segun personanan mas cercano a bisa.
Ni Nordwind ni e gobierno di Venezuela, a sa di responde di inmediato na solicitudnan di
comentario.
E avion normalmente ta cubri rutanan entre Rusia y zuidoost di Asia. Ni Nordwind ni e
otro aerolineanan comercial ta ofrece vuelonan directo Moscu-Caracas.
E corant Ruso, Novaya Gazeta a informa cu e avion a bula cu solamente dos tripulacion y
no pasahero, aunke no ta straño cu vuelonan pa Venezuela ta yega sin pasahero.
Maduro ta afirma cu nan ta enfrenta na un intento di golpi di Estado respalda pa
Washington lidera pa e lider opositor, Juan Guaido, kende siman pasa a autoproclama su
mes como presidente y a wordo reconoci pa Merca como hefe di estado.
