Page 34 - MIN ON

EAGLE BEACH- Lider di AVP Mike Eman ta masha contento con e evento di HAC
a bay na Eagle Beach diadomingo di Pasco Grandi. Durante henter dia e
hobennan tabata trahando pa nan evento a bay lo miho y exitoso posibel. “Nos
hobennan a organisa un bunita evento riba Eagle Beach cu tur tipo di deporte y
recreacion sano. Ta esey ta locual nos kier pa nos hobennan.”

Lider di e partido berde y actual Prome Minister di Aruba Mike Eman a bisa cu
despues di algun dia di reflexion pa loke ta bida di Hesus, pero tambe di nos mes
bida y di nos fe, a sigui e bunita evento aki. “Awe ta dia di Resureccion y
celebracion.” Eman den oranan tempran di mainta a atende misa hunto cu su
señora pa den oranan di atardi celebra hunto cu e hobennan di Aruba y
specialmente di HAC e dia bunita aki. “E ambiente ta formidabel y mi ta
contento tambe cu e participacion grandi den e eventonan deportivo. Hopi bunita
pa mira con nos hobennan a organisa esaki”, lider di AVP a finalisa bisando. Mas
den oranan di anochi e ambiente tabata total ora musica di Perfect Sound y
Tsunami a waya y hobennan tabata bailando tur cu tin. Un dia exitoso.

AMY RICHARDS DI PARTIDO MEP: “PAKICO

ABO, COMO HOBEN, MESTER VOTA DIA 22

DI SEPTEMBER?”

April 19, 2017 adminarubanative Uncategorized Leave a comment

Durante e temporada di campaña actual, algo hopi interesante a capta mi
atencion. E grupo di young voters y young professionals cu mi ta identifica mi
mes cu ne y cu mi a scoge pa representa, ta sumamente disgusta cu e situacion
politico actual di Aruba. E disgusto aki a converti den un demotivacion y
desapunto total. Esaki a bira un preocupacion pami mirando e cantidad di biaha
cu mi ta tende hobennan bisa “Mi voto no lo haci un diferencia” of tambe “Nada
no ta bay cambia toch”. Pero, una bes e conversacion continua, mi ta haya tende
tur e ideanan cu nan tin den nan curason pa asina por mehora nos isla. Ta tristo
cu hopi hoben demotiva ta canando rond cu tremendo vision y solucionnan pa
comparti cu nos, como representante, pero lamentablemente nan no ta sinti cu e
puntonan aki tin un balor real.

Door di vota bo ta haya un oportunidad pa expresa bo mes

Pa percura pa bo opinion wordo scucha, ta sumamente importante pa vota! Cu
bo voto bo por trece cambionan real y positivo pa nos pais. Nos ta biba ariba un