Page 59 - MIN ARENDS 1ST JUNE 2017

Aruba a crece hopi den 5 aña y kier sigui bula mas halto riba
tereno di sostenibilidad

Wednesday, 31 May 2017 20:16
Comparti

Den presencia di un grupo di invitado di exterior, WEB Aruba, a realisa e groundbreaking di nan prome Parke Solar
cu ta hiba e nomber di ‘Sunrise Solar Park’.

Pa un evento asina importante cu ta hiba Aruba mas cerca di su meta pa ta un Pais energeticamente sostenibel, a
trece invitadonan di exterior manera sir Richard Branson (Virgin Group), sir Edward Cheung (NASA), Jose Maria
Figueres (Presidente di Rocky Mountain Foundation), Jose Antonio Alvarez Ruiz (Commission General di Isastur cu
cual WEB tin un acuerdo pa cu e Parke); y Manuel Ignacio Ocariz Alonso (Director Comercial di ISOTRON cu ta
construi e Parke Solar). Invitadonan local a wordo encabesa pa Gobernador Alfonso Boekhoudt.
Sunrise Solar Park ta bira e Parke Solar mas grandi di Aruba y un di esnan mas grandi den Caribe, algo cu ta yena
WEB cu hopi orguyo, relacionista publico di WEB Aruba NV, Asja Dongen, a bisa e publico presente prome cu a
inicia cu e diferente discursonan.
E parke solar di WEB ta wordo construi riba un area di 92.000 m net pariba di subida of pazuid di Lago Heights.
2
E prome orador di e mainta tabata drs. Franklin Hoevertsz, director di Utilities Aruba NV (compania madre di WEB
y NV Elmar), kende a cuminsa pa bisa cu “nos kier ta mescos cu Virgin Airlines (propiedad di Richard Branson), nos
kier bula mas halto tambe y cu e parke aki di 5.9 MW nos ta bulando mas halto ainda”, refiriendo na e
ambicionnan grandi cu e pais tin riba tereno di energia renovabel. El a sigura e publico presente, cu na momento
cu e Parke aki keda cla, Aruba lo no keda para eynan.
Hoevertsz tambe a deleita e publico cu un poco di informacion di e trabou cu a wordo haci riba e tereno aki. Na
momento cu a cuminsa riba e caminda di sostenibilidad, e ta corda cu e instalacion di mas grandi tabata e 16
panelnan solar riba dak di ELMAR na San Nicolas. Esaki tabata na 2012. Den 5 aña a crece y awor tin rond di
23.000 panel solar rond Aruba. “Un diferencia grandi logra den 5 aña,” el a bisa.
Na final el a felicita tur empleado di tanto WEB como ELMAR a bin ta trahando duro pa e pasonan cu e
empresanna ey ta poniendo den direccion di energia sostenibel. Y a anuncia e concepto nobo di WEB cu e
proyecto aki cu ta “Web Owns and Operate” (WOO).