Page 18 - HOH

Djaluna 21 Yanüari 2019 5
Nan kier un
rektifikashon
Diferente
bendedó karni
no ta di akuerdo

ku konklushon di
karni kontaminá
WILLEMSTAD.- Diferente
bendedó di karni no ta di
akuerdo ku e konklushon
ku a publiká siman pasá
ku karni na Kòrsou ta
kontaminá ku bakteria. “Si
e ta kontaminá mes no ta
asina ku por generalisá”,
asina diferente di e
bendedó nan ta bisa. Un
di nan ku EXTRA a papia
ku ne ta furioso, entre
otro pa e impakto di e
publikashonnan di un
investigashon siman pasá
ku na su konsepto ta hasi
mas daño ku bon.
Segun e bendedó nan ,
e publikashon a hasi hopi
daño na Kòrsou i sigur lo
daña e imágen di Kòrsou
den eksterior komo ku ya
kaba e informashon a plama
na nivel internashonal.
Na promé lugá den tur
pais lo bo keda problema
ku importashon di karni
i produktonan ku no
por kontra kalor. Esei ta
inherente na e produktonan
aki den e tipo di klima
ku nos tin. No por tin
garantia 100 porshento.
Pero ta inhustu pa esnan
ku a hasi tur e esfuerso pa
invertí pa asina aki karni
i produktonan keda den
bon estado, pa generalisá
e situashon. Esmas, e
publikashonnan por tin un
efekto riba turismo di kua
Kòrsou ta dependé hopi,
asina e bendedó nan ta bisa.
Un bendedó a bisa ku
ya kaba na 2017, tabatin e
impakto di karni kontaminá
ku den diferente kaso no
a resultá e konklushon
korekto. Einan ya kaba
tabatin un efekto riba e
sektor aki. Di otro banda
no ta menshoná e hechu
ku ta hende mes no por
traha ku karni i konservá
diferente produkto ku ta
suheto na bakteria. For
di e momentu ku e karni
sali for di supermerkado,
man di hende ta atendé ku
ne. Hopi biaha ta einan e
kontaminashon ta sintá.
Karni ku no ta atendé
den e forma korekto na
momentu ku ta bai hasié ta
kue bakteria. Esei ta konta
tambe pa otro produktonan
manera piská i fruta i
Sigui lesa pagina 37