Page 21 - AWM11FEB2017
P. 21
AWEMainta Diasabra, 11 Februari 2017 21
Cuminsando diasabra awor:
Post Aruba ta partiendo cantidad record di buki di telefon
E team completo di partidonan di carta cu casi 46 mil buki di telefon pa parti
PA tur esunnan cu ta puntra nan mes ki dia nan
ta haya e buki telefon 2017 ata e contesta akinan.
SETAR Aruba N.V. a caba di entrega e bukinan di
telefon nobo pa aña 2017 e siman aki na Post Aruba
N.V. cu e instruccion pa cuminsa parti nan.
Manera tur aña, a prepara un team completo pa sali
caya y partinan diasabra, for di 6’or di mainta te cu
6’or di atardi.
“Esaki ta e cantidad record di buki di telefon cu nos
ta parti den historia di Post Aruba N.V., esta mas di
46 mil buki”, asina Guillermo Raymond, director di
Post Aruba N.V.
El agrega bisando, “Di nos banda nos a prepara henter
un team di partidonan di carta pa realisa e proyecto
aki. E ta hopi trabou pero nos partidonan experencia
lo sa di entrega e bukinan den un tempo record”.
Post Aruba N.V. di e forma aki ta demostra di ta
capaz pa maneha fluho di trabou grandi den entrega
di carta, pakinan of documentonan importante.
Dialuna awo ta cuminsa cu proceso di
Renobacion di edificio di
Biblioteca San Nicolas
TRABOUNAN di renobacion di edificio Bib-
lioteca San Nicolas ta cuminsa na februari 2017.
Gerente di Biblioteca Nacional Aruba ta con-
tento cu por informa publico cu e proyecto aki
ta cerca awor.
Pa tal motibo Biblioteca lo tin cu muda pa un
otro espacio. Despues di renobacion lo ofrece
comunidad di San Nicolas un facilidad publico
caminda un y tur ta bon bini y por yega pa lesa,
studia, bishita exposicion y otro actividad infor-
mativo. Esaki cu un servicio optimal.
Mudamento ta cuminsa dialuna awo. Biblioteca
lo drenta e edificio di ex-SINFA, situa na Zep-
penfeldstraat # 10/11, pa algun luna.
Aki bishitante lo por acudi pa cualkier informa-
cion, prestamo di buki y otro servicio di Biblio-
teca. Duracion di e proyecto aki ta calcula pa
tuma 6 luna maximo.
