Page 38 - MIN ECEM

SRA. RENFRUM DI SAN FUEGO A RICIBI

PROME MINISTER EMAN DEN SU B&B:

“GOBIERNO TA HACI HOPI PA MEHORA

IMAGEN DI ARUBA”

April 10, 2017 adminarubanative Uncategorized Leave a comment

ORANJESTAD – Canando den e bario di San Fuego, aleha di e areanan di trafico
a topa cu un cas cu a wordo converti den un negoshi di “Bed & Breakfast” pa
esnan cu ta bini Aruba en busca di trankilidad. E propietario ta Ingrid Renfrum
kende cu un sonrisa riba su cara a invita Prome Minister Eman drenta paden.
Esaki a tuma luga diahuebs mainta durante Accion di Bario di Prome Minister
Mike Eman pa invita habitantenan pa cendemento di luz den e bario di San
Fuego.

E negoshi, segun sra. Renfrum a splica Prome Minister Eman, ta uno chikito unda
cu su persona mes ta atende cu e clientenan. “Mi a keda hopi contento cu bishita
di Prome Minister Mike Eman y e noticia cu el a trece. Nos bario di San Fuego
tabatin mester di un tiki atencion, principalmente e caminda cu mester wordo
mehora. Mi ta hopi contento cu Minister a tuma e tempo pa bishita ami y otro
bisiñanan.”

E señora a bisa cu Aruba ta un isla chikito, pero cu ta creciendo hopi lihe y
birando ‘grandi’. El a sigui bisa cu pa esaki “mi ta hopi contento cu tur e
crecemento cu Aruba tin. Mi ta para 100% tras di e crecemento aki y nos tur
como bario mester crece hunto cu nos Prome Minister y nos pais”.

E bishitantenan cu sra. Renfrum ta ricibi ta bini for di tur rond mundo pa casi 4
aña caba. E desaroyo cu Aruba a conoce a permiti’e pa crea e negoshi aki como
un entrada pa su persona. E ta contento di ta estableci den e bario di San Fuego
cu toch ta basta trankil. Nan ta ideal situa, cerca di Parke Arikok pa cual el a
splica Prome Minister cu ta masha importante pa e camindanan ta den bon
estado.

E trabou di Gobierno of loke cu nan ta haciendo ta hopi dirigi pa hisa e imagen di
e isla pa mundo pafo. “Mi ta hopi gradici pa esaki. Tin biaha bo ta sali y mira cu
tur caminda ta trahando riba caretera y tin hende ta consumi, pero na final e ta
pa mehora e isla.”