Page 36 - AHATA

Ora analisa rapportnan di expertonan, mester yega na e solucion cu ta un bendicion
grandi Aruba tin, cu a haci cu e situacion di e pais no a rementa na forma total of
prome cu 2017.

Tur rapport, tur prueba cu tin riba mesa a base di cifra y hecho, ta mustra con for di
2009 mal gobernacion a suta Aruba.

Loke a pasa cu Aruba durante 2009-2017 no tin nomber. E gobierno prome cu Gabinete

Wever-Croes a kita entrada di e pais. Na un forma descabeya a crea debe nacional cu
tabata imposibel pa e pais paga sin introduci medida pisa pasobra ta cu medida, placa
di belasting, mester paga debe di gobierno.

E bochorno mas grandi tabata e negociacionnan di Citgo, cu a crea un ilusion falso
cerca pueblo, cu awe no tin e crecemento di 15 porciento cu a wordo priminti na 2016
pero ta den gara di un calamidad financiero economico y social.

Awe, casi dos aña despues di eleccion 2017, Ministro Presidente Evelyn Wever-Croes
mester enfrenta Aruba y Reino. E mester enfrenta Aruba cu mester bay paga pa e
abuso cu a wordo haci cu placa di pueblo.

E ora di Evelyn Wever-Croes como lider di pais Aruba den un situacion di calamidad a
yega e siman aki.

E hecho cu segun nos sistema legal, Evelyn Wever-Croes ta presidi e grupo di

ministronan cu a base di eleccion 2017 a keda encarga cu e maneho diario di Aruba, cu
e ta e cara di e gabinete cu mester tuma tur medida den situacion severo.

Aruba no a resta placa den su caha. Kico a pasa cu placa di Aruba por lesa den tur

rapport. Ta conoci cu no ta tur hende ta contento cu loke e rapportnan oficial ta bisa y
hasta tin hende cu kier sconde e rapportnan aki pasobra nan tambe a wordo beneficia.

E siman aki decisionnan mester wordo tuma. E gabinete Wever-Croes cu e actual

Ministro Presidente Evelyn Wever-Croes ta presidi a base di resultado di eleccion,
mester enfrenta pueblo prome cu fin di siman pa splica con ta bay enfrenta Hulanda cu
solucionnan pa Aruba, cu sea cu Hulanda of sin Hulanda mester paga pa e herencia cu e
gobierno anterior a laga atras.