Page 43 - JUS DEC 30
P. 43
Polis a duna instruccion diahuebs atardi: Chupitoz na The
Village no mag habri mas por lo pronto pasobra no tin
permiso
Thursday, 29 December 2016 18:02
Comparti
E nightclub Chupitoz cu a muda pa Ex Senior Frog's na The Village no tin permiso. Recientemente el a
habri y tabata den noticia ora cu Polis a sera e negoshi pa falta di permiso. E dia ey tin yamadanan a
wordo haci na mandatarionan na Mando y a logra overule e ordo di Polis.
Un of otro mandatario a duna ordo pa tog laga Chupitoz habri. Mientrastanto dianan a pasa y awor un
biaha mas autoridad ta notifica e propietarionan cu nan no mag habri. Nan no tin permiso y diahuebs
atardi a splicanan. Parce e dianan cu mandatarionan a duna ok a pasa. Awor aki mester warda henter e
proceso pa permiso cana su caminda. Kiermen pa 29,30 y 31 di december sigur e mester keda sera y
comienso di aña tambe. Ta spera cu gobernantenan cu wordo acerca respeta e decision aki tambe yno bay
trapa atrobe riba e incumplimento di Chupitoz dor di habri sin un permiso. Prome cu e permiso wordo
duna, polis mester haci henter un proceso, DTI mester keur e localidad y tambe e permiso di Senior
Frog's mester wordo ingetrokken prome. Si tog insisti y habri e nightclub lo bay over na sera esaki bek.
Mientrastanto a avisa esnan encarga y nan sa cu nan no mag habri pasobra no tin permiso.
