Page 52 - JUS DEC 30

comerciantenan Chines hopi biaha nan ta trata di haci cosnan no corecto cu na final ta
perhudica nan mes. Na e container dilanti centro di bario playa pabao e team a bin haci
nan control normal a bin constata cosnan straño. No por ta posibel cu e propietario
Chines aki por tin vuurwerk di anja 2014 ainda den su poder y cu kier bende esaki na e
comunidad. Mester bisa cu esaki no ta di prome biaha cu mester a hala atencion di e
mes un propietario aki. Mirando cu no ta prome biaha ta atende cu e mes un doño
awor a yega na e punto di evaluacion di kita e permiso di dje. Loke ta un realidad cu
hopi biaha na momento cu nan haya e control hopi di nan ta rabia y ta trata di cumpra
e team pa asina por laga nan situacion pasa bao di man, sinembargo e team ta mira e
siguridad di cada ciudadano mirando cu klapchi no ta cos di haci wega cu ne. Tambe ta
haya situacionnan cu hasta e comerciantenan ta rabia , y ta uza como nan forsa cu nan
lo yama minister , pero danki DIOS e mandatario a comunica bek pa asina scucha di
otro banda kico realmente ta e situacion y ta para tras di e team pa e control nan aki pa
siguridad di cada ciudadano. E conseho ta keda pa cada comerciante cu kier bende
klapchi pa mantene nan mes na e reglanan poni y cu a delibera hunto cu e team algun
dia prome cu e containernan a yega Aruba. Si keda mantene nan mes na e regla aki no
lo tin ningun problema.